ب : یا دورست ئه‌م دوعا ب چ ڤه نه‌گرێده‌ین و نه‌بێژین هه‌كه ته بڤێت چونكی پیغه‌مبه‌ری سلاڤێت خودی ل سه‌ربن نه‌هیا ل هندێ كری دبێژیت: (إذا دعا أحدكم فلا يقل اللهم اغفرلي إن شئت ، ولكن ليعزم المسألة وليعظم الرغبة ، فإن الله لا يتعاظمه شيء أعطاه) هه‌كه ئێك ژ هه‌وه دوعا كر بلا نه‌بێژیت یا خودێ گونه‌هێت من ژێببه هه‌كه ته بڤێت به‌لێ بلا بێ دوودلی داخوازا خۆ بكه‌ت و حه‌زا خۆ مه‌زنبكه‌ت چ تشت ل ده‌ف خودێ یێ مه‌زن نینه نه دشیانێت ویدا بیت ئه‌و بده‌تێ، ئه‌ڤ نه‌هیه وه‌كی زانا دبێژن یا مه‌كروهه نه یا حه‌رامه به‌لێ هه‌كه ئنیه‌ت ب (ان شاء الله ) بۆ به‌ركه‌تێ بیت نه بۆ هه‌لاوستنێ بیت ئانكو دوعایا خۆ ب حه‌زا خودێڤه گرێده‌ت خه‌له‌ته و نه دورسته چونكی تشتێ خودێ حه‌ز ژێ نه‌كه‌ت كه‌س نه‌شێت ب سه‌ردانیت بكه‌ت، هه‌وجه‌نینه ئه‌م ب ڤی ره‌نگی دوعایێ بكه‌ین به‌لێ هه‌كه ئنیه‌ت رجاء و هیڤی و به‌ره‌كه‌ت بیت دورسته وه‌كی د دوعایا پێغه‌مبه‌ریدا سلاڤێت خودێ ل سه‌ربن دا هاتی بۆ نه‌ساخی دگۆت: ( لا باس طهور ان شاء الله) و د دوعا فتاره‌كرنێدا دگۆت: (ذهب الظمأ وابتلت العروق وثبت الأجر إن شاء الله) ڤێرێ دوعا نه گرێدانه ب حه‌زكرنا خودێڤه به‌لكی هیڤیا به‌ره‌كه‌تا ناڤێ خودێیه و دهه‌می كراساندا یا باش ئه‌وه ئه‌م رژد و بێ دوودلی دوعا بكه‌ین و ب مه‌شیئه‌تێڤه گرێنه‌ده‌ین و خودی چێتر دزانیت.
