ب : مخابن ئه‌ڤ دوعایه گه‌له‌كا به‌لاڤه و مرۆڤی گه‌له‌ك گولێدبیت به‌لێ یا خه‌له‌ته و نه‌یا دورسته یا دورست ئه‌م دوعابكه‌ین ئه‌و قه‌زایا ئه‌م خۆ ل به‌ر نه‌گرین ئه‌م دوعا ژ خودێ بكه‌ین مه ژێ بپارێزیت و وێ قه‌زایێ نه‌ئینیت و پێغه‌مبه‌ر سلاڤێت خودێ ل سه‌ربن دبێژیت: (لا یرد القدر الا الدعاء) چ قه‌ده‌رێ نا ده‌نه پاش دوعا نه‌بیت ئه‌ڤه به‌رێ مه دده‌ته هندێ ئه‌م دوعا بكه‌ین قه‌ده‌را نه خوش ژ مه ڤه‌گریت و راكه‌ت و خودایێ مه‌زن د قورئانێدا گوتیه بێژه: (قل اعوذ برب الفلق من شر ما خلق) بیژه ئز خۆ ب خودانێ سثیده‌یێ دپارێزم ژ زیان و خرابیا هه‌ر چێكریه‌كێ ئلنكو خرابیا هه‌می تشتان و ئه‌ڤه دوعایه خودێ قه‌ده‌را نه‌خۆش ئێك جاری نه ئینیت و ژ مه ب ده‌ته پاش و پێغه‌مبه‌ر ژی سلاڤێت خودێ ل سه‌ربن دبێژیت: (تَعَوَّذُوا بالله مِنْ جَهْدِ البلاَءِ ودَرَكِ الشَّقاءِ وسُوءِ القَضاءِ وشَماتَةِ الاعْدَاءِ) خۆ ب خودێ بپارێزن ژ گرانی و زێده به‌لایێ و ژ نه‌خوشی گه‌هشتنێ و ژ قه‌زاو قه‌ده‌را نه‌خوش و ژ كه‌یف ل سه‌رهاتنا دوژمنان.
