ب : یا گرنگ دوعا بێته‌كرن چ ده‌ستێت خۆ بلند بكه‌ین چ بلند نه‌كه‌ین چونكی دوعا ره‌نگه‌كێ عیباده‌تیه و دڤێت ب ڤی ره‌نگێ عیباده‌تی ئه‌م عه‌بدینیا خودێ بكه‌ین، و یێ دوعا نه‌كه‌ت و ئه‌و خودێ ژ خۆ نه‌رازی دكه‌ت، و ره‌نگێ ده‌ست بلندكرنێ هه‌كه داخواز و دوعایه‌كا ئاساییه نه هیڤی و لاڤلاڤن یا باش ئه‌وه ده‌ست هه‌تا سینگی یان راستا ملان بلند ببن، و هه‌كه هیڤی و لاڤلاڤن دورسته هند بلند بكه‌ی بن كه‌فشێت ته ده‌ركه‌ڤن، و هندی بشێی ده‌ستێت خۆ ب گه‌هینه ئێك ئه‌ڤه باشتره تۆ ژێكڤه‌كه‌ی، و بلا بشتا ده‌ستێت ته ل عه‌ردی بن و به‌رێ وان ل عه‌سمانی، یان پشتا وان بده قیبلێ و به‌رێ وان بده سه‌روچاڤیت خۆ هنده‌ك زانا دبێژن هه‌كه دوعا خۆ پارازتنه به‌رێ ده‌ستێت خۆ دێ ده‌یه عه‌ردی و پشتا وان دێ ده‌یه عه‌سمانی؛ چونكی ب ڤی ره‌نگی پێغه‌مبه‌ر سلاڤێت خودێ ل سه‌ربن هه‌روه‌كی د ڤه‌گێرا موسلمیدا هاتی د دوعیا باران بارینێدا هاتیه دیتن؛ ژ به‌ر هندێ هنده‌ك زانا وه‌كی ئیمامێ نه‌وه‌وی خودێ ژێ رازی بیت دبێژیت هه‌كه داخوازه دێ ب به‌رێ ده‌ستێ خۆ كه‌ی، و هه‌كه خۆ پارازتنه دێ ب بشتا ده‌ستێ خۆ كه‌ی، به‌لێ هنده زانا دبێژن هه‌می ره‌نگێت دوعایان دێ ب به‌رێ ده‌ستێ خۆ كه‌ی هه‌ر ره‌نگێ هه‌بیت داخوازی بیت یا خۆ پارازتن بیت، و ئه‌ڤا د ڤه‌گێرا موسلمیدا هاتی د دوعایا باران هاتنێدا پێغه‌مبه‌ری سلاڤێت خودێ ل سه‌ربن ب پشتا ده‌ستی دوعا نه‌كرینه به‌لێ هندی هند ده‌ستێت خۆ بلندكرن هه‌تا وه‌سا هاتینه دیتن، و زانایێت ئه‌ڤ بوچونه گرتی ئبن ته‌یمییه‌یه خودێ ژێ رازی بیت و ئه‌ز ڤێ بوچونێ دورستتر ددانم؛ چونكی پێغه‌مبه‌ر سلاڤێت خودێ ل سه‌ربن دبێژیت: (ذَا سَأَلْتُمُ اللَّهَ فَاسْأَلُوهُ بِبُطُونِ أَكُفِّكُمْ، وَلا تَسْأَلُوهُ بِظُهُورِهَا) هه‌كه هه‌وه دوعا ژ خودێ كرن دوعایان ب به‌رێ ده‌ستێ خۆ ژێ بكه‌ن نه ب پشتا ده‌ستێت خۆ، و ئه‌ڤ حه‌دیسه ئیمامێ ئه‌بو داود ڤه‌گێرایه و ئه‌لبانی ده‌رست دانایه، و هه‌كه ئێك ب پشتا ده‌ستی دوعایا خۆ پارازتنێ بكه‌ت ئه‌م ئینكارێ ل سه‌ر ناكه‌ین، به‌لێ دێ شیره‌تكه‌ین ب به‌رێ ده‌ستێ خۆ بكه‌ت دورستتره، و هه‌كه قه‌ناعه‌ت بۆ دورست نه بۆ بو هه‌یه ئه‌و وێ بوچونێ بگریت و خودێ چێتر دزانیت.
