ب : ئاشكرايه ده‌ست بلنكدرن د دوعايێدا ژ ره‌وشتێت دوعا كرنێنه و پێغه‌مبه‌ري سلاڤێت خودێ ل سه‌ربن د گه‌له‌ك جهاندا ده‌ستێت خۆ يێت بلنكرين و ب گه‌له‌ك ره‌نگان و ئيمامێ نه‌وه‌وى خودێ ژێ رازى ببيت دبێژيت موسته‌حه‌ببه و باشه ده‌ست ددوعايێدا ده‌رڤه‌ى نڤێژاندا بێنه بلنكرن و نێزيكى سيهـ حه‌ديسان ل سه‌ر ڤێ چه‌ندێ ئيناينه و و ئيمامێ بوخاري خودێ ژێ رازى بيت د بابه‌تێ (رفع اليدين في الصلاة) چوارده حه‌ديس ل سه‌ر ده‌ستبلنكرنێ د دوعايێدا ئيناينه و ئيمامێ سيوطى خودێ ژێ رازى بيت كتێبه‌كا تايبه‌ت ل سه‌ر ده‌ستبلنكرنا د دوعايێدا دانايه ناڤێ وێ كريه: (فض الوعاء في أحاديث رفع اليدين في الدعاء) و ئبن ره‌جه‌بێ حه‌نبه‌لي خودێ ژێ رازى بيت د كتێبا خۆدا يا ب ناڤێ : (جامع العلوم) دبێژيت: د چاوانيا ده‌ستبلندكرنا دوعايێدا ب چه‌ند ره‌نگان بۆ مه ژ پێغه‌مبه‌ري سلاڤێت خودێ ل سه‌ر بن هاتيه ڤه‌گوهازتن ژ وان بلندكرنا تبلا شه‌هديێ ئه‌بو هوره‌يره خودێ ژێ رازي بيت دڤه‌گێرا ئيمام ئه‌حمه‌د و ترمزى و نه‌سائێ و حاكميدا دبێژيت: پێغه‌مبه‌ر سلاڤێت خودێ ل سه‌ربن ل به‌ر مرۆڤه‌كێرا بورى دوعا ب هه‌ردو تبلێت خۆ يێت شه‌هدێ دكرن ئينا گۆتێ: (أحِّد ، أحِّد) ئانكى ب ئێك تبل بكه چونكى خودێ ئێكه و ديسا دڤه‌گێرا موسلميدا هاتيه پێغه‌مبه‌ري سلاڤێت خودێ ل سه‌ربن تبلا خۆ يا شه‌هدێ بلندكريه و دوعا كرينه و ديسا ئه‌ڤه ژێ هاتيه ديتن دمێ ل ده‌واري سيار و دوعا دكرن و خودێ چێتر دزانيت.
