ب : هه‌كه دختورا ژن ده‌ستگورك كرنه ده‌ستێ خۆ و فه‌حصا داخلی بۆ ژنێ چێكر ده‌ستنڤێژا نوژدارێ ناكه‌ڤیت و ده‌ستنڤێژا ژنا نه‌ساخ ژی ناكه‌ڤیت هه‌كه چ ب ده‌ستێ وێڤه نه‌هێت ژ خوینێ یان مێزی یان هه‌ر تشتێ دی بیت به‌لگه ب ڤی كراس ده‌ستنڤێژ نا كه‌ڤیت پێغه‌مبه‌ر سلاڤێت خودێ ل سه‌ربن دبێژیت: (من أفضى بيده إلى فرجه ليس دونهما ستر فقد وجب عليه الوضوء) و به‌لگه ل سه‌ر هه‌كه تشته‌ك ل گه‌ل ده‌ستێ وێ هات ده‌ستڤێژا نه‌ساخێ كه‌فت چونكی پێغه‌مبه‌ر سلاڤێت خودێ ل سه‌ربن دبێژیت: (لا تُقْبَلُ صَلاةُ مَنْ أَحْدَثَ حَتَّى يَتَوَضَّأَ) و رامانا (أَحْدَثَ) تشته‌ك ژ به‌رێ ویڤه یان پشتا ویڤه هات خوین بیت یان با بیت یان هه‌ر تشتێ هه‌بیت، به‌لێ هه‌كه بێ ده‌ستگورك بكه‌تێ كا ده‌ستنڤێژ دكه‌ڤیت یان نه ئه‌ڤه جهێ جودابوونێیه دناڤبه‌را زانایاندا ل ده‌ف حه‌نه‌فیان ناكه‌ڤیت و ل ده‌ف ئیمامێ شافعی هه‌كه ب پشتا ده‌ستی بیت ناكه‌ڤیت و هه‌كه ب به‌رێ ده‌ستی بیت دكه‌ڤیت و ل ده‌ف مالكیان هه‌كه ب شه‌هوه‌ت بیت دكه‌ڤیت و هه‌كه نه ب شه‌هوه‌ت بیت ناكه‌ڤیت و ل ده‌ف حه‌نبه‌لیان دكه‌ڤیت و بو ئیحتیات هه‌كه بشوت باشتره نه‌خاسمه هه‌كه ده‌ستبده‌ت و هه‌كه ل جهه‌كێیه و ده‌ستناده‌ت دورسته ئه‌و ل دویف مه‌زهه‌بێ حه‌نه‌فی بچیت و ده‌ستنڤێژا خۆ نوینه‌كه‌ت.
