ب / هه‌كه مرۆڤ دره‌نگ رابوو، و هه‌وجه‌ى سه‌رشويشتنێيه چ ژن چ ژى زه‌لام ـ و ترسيا هه‌تا ئاڤێ گه‌رم بكه‌ت نڤێژا وى ژێ بچيت، ل ده‌ف جمهورێ زانايان بۆ هه‌يه ته‌يه‌مومێ بكه‌ت و نڤێژا خۆ ب ته‌يه‌مومێ بكه‌ت، ديسا هه‌كه ئاڤ يا ته‌زى بيت و نه‌شێت ب كار بينيت، يان ژى وه‌خت نه‌بيت گه‌رم بكه‌ت، بۆ هه‌يه ته‌يه‌مومێ بكه‌ت.
ئيمامێ به‌يهه‌قى (خودێ ژێ رازي بيت) د سونه‌نا خۆدا ژ عه‌مرێ كورێ عاصى (خودێ ژێ رازي بيت) ڤه‌دگێريت، دبێژيت: شه‌ڤه‌كا سه‌رما د غه‌زوا (ذات السلاسل)دا شه‌يتان هاته من و ئه‌ز ب جنابه‌ت كه‌فتم ، ئه‌ز ترسيام سه‌رێ خۆ بشۆم، بمرم. من ته‌يه‌موم كر، و پاشى سپێدێ من نڤێژ به‌رى هه‌ڤالێت خۆ كر. ئه‌ڤه گه‌هانده پێغه‌مبه‌رێ خودێ (سلاڤێت خودێ لێ بن)، من گۆت: يا پێغه‌مبه‌رێ خودێ.. من يێ گولێ بووى خودێ دبێژيت: (( وَلَا تَقْتُلُوا أَنفُسَكُمْ إِنَّ اللَّهَ كَانَ بِكُمْ رَحِيمًا)) ئانكو: خۆ نه‌كوژن، خودێ يێ دلۆڤانه ب هه‌وه. و ئه‌ز دترسيام هه‌كه سه‌رێ خۆ بشۆم.. بمرم، له‌وا من ته‌يه‌موم كر. ئينا (سلاڤێت خودێ لێ بن) كره كه‌نى و چو نه‌گۆت. و ئه‌ڤه كه‌نيه به‌لگه‌يه ل سه‌ر رازيبوونێ و دورستيا ب كارئينا ته‌يه‌مومێ هه‌كه ئاڤ يا ته‌زى بيت و مرۆڤ ترسيا تشته‌ك لێ بهێت هه‌كه ئاڤێ ب كار بينيت و خودێ چێتر دزانيت.
