ب / پرچكێت ئاڤێ يا وى يێ ده‌ستنڤێژا خۆ دشۆت پاقژن و ناخوازيت تو جهێ وان پرچكان پاقژكه‌ى و بشۆى، و هه‌كه ئاڤ بۆ ده‌ستنڤێژێ يان جه‌نابه‌ت راكرنێ هاته ب كارئينان ئه‌و ئاڤ يا پاقژه هه‌كه ب مرۆڤى كه‌فت، مرۆڤى پيس ناكه‌ت، به‌لێ نه‌يا پاقژكه‌ره و نابيت جاره‌كا دى بێته ب كارئينان بۆ گرتنا ده‌ستنڤێژێ يان جه‌نابه‌ت راكرنێ، چونكى يا ب كارئيناييه و چپكێت ئاڤا ده‌ستنڤێژێ يان يا سه‌رشويشتنا جه‌نابه‌تێ يان ده‌ستێت مرۆڤى هه‌كه كه‌فتنه د ناف ئاڤا من يا د ئامانيدا ئاڤ پيس نابت و چو نينه و هه‌وجه‌نينه ئاڤ بێته گوهۆرِين، نه‌خاسمه هه‌كه چپك د كێم بن، ژ ئاڤێ پتر لێ نه‌هێن، و ئاڤا ب كارئيناى، ئه‌وه يا بێته كارئينان بۆ پاقكرنا ئاسايى، يان يا بێته كارئينان بۆ جهئينانا عيباده‌ته‌كى، وه‌كى ده‌ستنڤێژگرتنێ يان غوسل راكرنێ، ئه‌و ئاڤا بۆ عيباده‌تى بێته ب كارئينان يا پاقژه، و نه‌يا پاقژكه‌ره، نابيت جاره‌كا دى بۆ ده‌شتنڤێژگرتنێ يان غوسل راكرنێ بێته ب كارئينانڤه، به‌لێ ئه‌و ئاڤا دهێته ب كارئينان نه‌بۆ جهئينانا عيباده‌ته‌كى، وه‌كى ئاڤا دهێته ب كارئينان بۆ هينكرنێ دورسته ده‌ستنڤێژ پێ بێته‌گرتن، چونكى ئه‌و بۆ عيباده‌تى نه‌هاتيه ب كارئينان و خودێ چێتر دزانيت.
