ب / ده‌ستپێكێ دڤێت ئنيه‌تێ د دلێ خۆدا بينى و مه‌رج نينه ب ده‌ڤى بێژى، به‌لكى د دليدا باشتر و دورستتره، پاشى دێ ناڤێ خودێ ئينى (بسم الله)، پاشى دێ ده‌ستێت خۆ سێ جاران شۆى، پاشى دێ سيواكى ب كار ئينى، پاشى دێ ئاڤێ سێ جاران د ده‌ڤێ خۆ وه‌رده‌ى و ب سێ مستان، و پاشى سێ جاران دێ ئاڤێ د بن دفنا خۆ ئێخى و ده‌رێخي و ب سێ مستان، و پاشى دێ سێ جاران سه‌روچاڤان شۆى ژ سه‌رێ ئه‌نيێ هه‌تا بن ئه‌رزينكێ.. و ژ گوهى بۆ گوهى، پاشى دێ ئاڤێ دێ بن رهان ئێخى ب تلان چ ره د بۆش بن چ ژى د كێم، پاشى دێ ده‌ستان شۆى، يێ راستێ به‌رى يێ چه‌پێ، هه‌تا ئه‌نيشكێ، و ده‌ستێ خۆ پێرا ئينى و به‌ى، ئانكو: دگه‌ل شويشتنێ بپه‌رخينه، و پاشى مه‌سحا سه‌رى هه‌ميێ بكه، ده‌ستێ خۆ ژ پێشيا سه‌رێ خۆ ببه پشتێ و بينيه‌ڤه، يان ده‌ستێ ته‌رِ ب چه‌نده‌كێ ژ راستا ئه‌نێدا ببه يان ده‌ستێ خۆ ب كێمه‌كێدا ببه و هندى مايى ل سه‌ر ده‌رسۆكێ مه‌سح بكه، پاشى ئاڤه‌كا نوى وه‌رگره بۆ ڤه‌مالينا گوهان، تلا شه‌هدێ بێخه د گوهيدا و يا به‌رانى ب پشتا گوهيڤه ببه، پاشى دويماهيكێ هه‌ر پێيه‌كي خۆ هه‌تا گۆزه‌كێ سێ جاران بشۆ، پێ راستێ پاشى يێ چه‌پێ، پشتى ب دويماهيك د ئيني دوعا ب دويماهيك هاتنێ بخوينه: (أَشْهدُ أَنْ لا إِله إِلاَّ اللَّه وحْدَه لا شَريكَ لهُ، وأَشْهدُ أَنَّ مُحمَّدًا عبْدُهُ وَرسُولُه اللهم اجْعَلْنِي من التَّوَّابِينَ وَاجْعَلْنِي من الْمُتَطهِّرِينَ)، ئانكو: ئه‌ز شه‌هده دده‌م كو ب راستى چو په‌رستى يێت راست و دورست نينن خودێ نه‌بيت و يێ بێ شريك و بێ هه‌ڤاله و موحه‌ممه‌د به‌نده و پێغه‌مبه‌رێ ويه، يا خودێ، من ژ زێده ته‌وبه‌داران دانه و من ژ پاقژكريان دانه و خودێ چێتر دزانيت.
