1ـ پشتى ژن ژ عادێ ده‌ردكه‌ڤيت، ئێك جار دێ سه‌رێ خۆ شۆت، و بلا خوينا وێ هه‌ر بمينيت.
2ـ بۆ نڤێژان، ئه‌گه‌ر خوينا وێ يا به‌رده‌وام بيت و نه‌راوه‌ستيت، هه‌ر نڤێژه‌كا فه‌رز دێ ده‌ستنڤێژه‌كا نوى بۆ گريت و بلا د ناڤبه‌را ده‌ستنڤێژێ و نڤێژێدا خوينێ ژى ببينيت، ده‌ستنڤێژا وێ ناشكێت. بوخارى ڤه‌دگێريت و دبێژيت: هنده‌كان د ڤى كراسيدا ته‌ست ددانا بن خۆ و نڤێژ دكر... به‌لگه ل سه‌ر ڤێ فه‌رمووده‌يا پێغه‌مبه‌ريه (سلاڤێت خودێ لێ بن) ئه‌وا بوخارى ڤه‌گوهاستى ((ثم توضىء لكل صلاه)) مه‌خسه‌د نڤێژێت فه‌رزن. به‌لێ پێدڤيه د وه‌ختێ نڤێژێدا بيت نه به‌رى وه‌ختى.
3ـ پێدڤيه هه‌ر جاره‌كا ده‌ستنڤێژێ دشۆت، جهێ خوينێ بشۆت و پاته‌يه‌كى بێخته به‌ر.
4ـ نڤينا وێ يا دورسته و بلا خوينا وێ هه‌ر بهێت هه‌روه‌كى ئبن عه‌باس دبێژيت ل دويف ڤه‌گێرِانا بوخارى.
5ـ ژنا ب ئستيحازه يا پاقژه و دشێت هه‌مى عيباده‌تان بكه‌ت و پێ راببيت (نڤێژ، رۆژى، ئعتيكاف، ساخكرنا شه‌ڤێت پيرۆز وه‌ك (ليله القدر)... هتد).
پسياره‌ك: ئه‌گه‌ر ژنا ئستيحازه ده‌ستنڤێژا خۆ شويشت و پشتى هينگێ ئێكسه‌ر دويڤدا خوين هات، كا دێ جاره‌كا دى ده‌ستنڤێژا خۆ شۆته‌ڤه؟
به‌رسڤ: نه‌خێر ده‌ستنڤێژا وێ ناكه‌ڤيت و دێ نڤێژا خۆ كه‌ت، و ئه‌گه‌ر خۆ ل سه‌ر شه‌ملكێ خوينێ ببينيت نڤێژا خۆ ناراوه‌ستينيت.
هنده‌ك كراسێت دى ژى يێت هه‌ين وه‌كى ڤێ دئێنه حسێبكرن:
1ـ ئه‌گه‌ر ژنێ ئێشا (سلس البول) هه‌بيت كو ده‌ستنڤێژا زراڤ خۆ تێ نه‌گريت و به‌رده‌وام ببينيت.
2ـ يان ژى غازات هه‌بن.
3ـ يان ژى ئێشه‌ك ل جهێ ده‌ستنڤێژێ ب خۆ بيت هه‌ر ئاڤ تێ بهێت.
د ڤان سه‌روبه‌راندا ژى ديسا دێ هه‌ر نڤێژه‌كێ ده‌ستنڤێژه‌كێ بۆ گريت و خودێ چێتر دزانيت.
