ب / نوينۆك برِين سونه‌ته نه‌واجبه، به‌لێ نابيت مرۆڤ سونه‌تا پێغه‌مبه‌رى (سلاڤێت خودێ لێ بن) پشت گوهێت خۆڤه باڤێت، چونكى هه‌ر ئه‌و (سلاڤێت خودێ لێ بن) دبێژيت: هه‌ركه‌سێ رێكا من بهێليت نه ژ منه. و نه‌تراشتنا نوينۆيكا دبيت دێ قرِێژ كه‌ڤيته بن و ئاڤ ناگه‌هيته له‌شێ وێ، هنگى نڤێژێت وێ نه دورستن و دبيت هه‌تا جه‌نابه‌تا وێ ژى ل سه‌ر نه‌رابيت، چونكى قرِێژا كه‌تيه بن و ناهێليت ئاڤ بگه‌هيته هه‌مى له‌شێ وێ، و دبيت ژ ڤێ مه‌زنتر ده‌مێ خۆ دشۆت پيساتيا ده‌ستنڤێژا وێ يا ستوير بمينيته د بن نوينۆكێت وێرِا، هنگى ديسا نڤێژێت وێ دورست نابن، له‌وا ياباشه ژن نه‌هێليت نوينۆكێت وێ درێژ ببن و يا سونه‌ت هه‌مى حه‌فتيا جاره‌كێ بتراشيت و ژ ڤێ وێڤه‌تر نوينۆك درێژكرن نه‌عاده‌تێ ژنا موسلمانه، به‌لكى ره‌وشتێ ژنا نه‌موسلمانه، و نه‌دورسته ژنا موسلمان چاڤ ل يا نه‌موسلمان بكه‌ت، و ئه‌و د ڤێ چاڤلێكرنێدا يا گونه‌هكاره، پێغه‌مبه‌رێ خودێ (سلاڤێت خودێ لێ بن) دبێژيت: ((يێ خۆ وه‌كى هنده‌كان لێ بكه‌ت ئه‌و ژ وانه، ئانكو: حسێبا وان ئێكه و ئه‌ز نه ل وێ باوه‌رێمه ژنا موسلمان حه‌ز بكه‌ت حسێبا وێ و يا نه‌موسلمان ئێك بيت، ديسا بۆياغ و صه‌بغا نوينۆكان ژى كارتێكرنێ ل ده‌ستنڤێژ و سه‌رشويشتنا ژنێ دكه‌ت، چونكى ناهێليت ئاڤ بگه‌هيته جهێت پێدڤى ئاڤ بگه‌هيتێ، له‌وا دڤێت كچا موسلمان ب سفكى به‌رێ خۆ نه‌ده‌ته بۆياغێ و صوبغێ و بێژيت: چو نينه، چونكى هه‌كه تو بۆياغ و صوبغا نوينۆيكا ژێ نه‌به‌ى ئه‌ڤه نه ده‌ستنڤێژا ته يا دورسته و نه تو ژ عادێ ده‌ركه‌فتى، و هه‌كه تو د كراسێ جه‌نابه‌تێدا بى دێ هه‌ر مينيه تێدا و ژێ ناده‌ركه‌ڤى ژبه‌ر بۆياغ و صوبغا نوينۆكان و خودێ چێتر دزانيت.
