ب / ده‌ستنڤێژ ب ڤان تشتێت خوارێ دكه‌ڤيت:
هه‌ر تشته‌كێ د جهێ هه‌ردوو شه‌رمگه‌هانرِا بێت (ده‌ستاڤا زراڤ يان يا ستوير يان ژى با)، و نڤستنا كوير و نه نقرۆسك، و نه‌مانا عه‌قلى و نه‌هشبوون، چ ب رێكا سه‌رخۆش و گێژاتى و نه‌ساخيێ، چ ژ ديناتيێ، و چ كێم چ زێده، و ده‌ستكرنا د ناڤبه‌را زه‌لام و ژناندا ئه‌گه‌ر ژ دلخوازى و شه‌هوه‌ت بيت، و ئه‌گه‌ر نه، ده‌ستنڤێژ ناكه‌ڤيت. و ده‌ستكرنا شه‌رمگه‌ها (عه‌وره‌تێ) خۆ يان يێ غه‌يرى خۆ. و تشتێ ده‌ستنڤێژ پێ نه‌كه‌ڤيت ئه‌وێت خه‌لك هزر دكه‌ن ده‌ستنڤێژ پێ دكه‌ڤيت و ئه‌و ب خۆ پێ ناكه‌ڤيت، ئه‌و ژى ئه‌ڤه‌نه:
ده‌ستكرنا ژنێ ژ بێ ده‌ستى، و نه ژ دلخوازى و شه‌هوه‌ت، و هاتنا خوينێ نه ژ جهێ ده‌ستاڤێ، و دل رابوون چ تژى ده‌ڤى يان نه، و ب گۆمان كه‌فتن د كه‌فتنا ده‌ستنڤێژێدا، هه‌كه مرۆڤ ژ خۆ يێ پشت راست بيت به‌رى هنگي يێ ب ده‌ستنڤێژ بوو، و پاشى شك و گۆمان بۆ چێبوو ده‌ستنڤێژا وى يا كه‌فتى، د ڤى وه‌ختيدا دێ وه‌سا دانيت نه‌كه‌فتيه، و شك و گۆمان د ڤى كراسيدا كارتێكرنێ ناگه‌هينيته ده‌ستنڤێژێ و كه‌نى ب ده‌نگێ بلند، و شويشتنا مريان و خودێ چێتر دزانيت.
