بەرسڤێت دۆر دەست نڤێژ شوشتنێ

ب / ئه‌گه‌ر هه‌ست كر و پێ حه‌سيا و گۆمان بۆ چێنه‌بوو، دڤێت ده‌ستنڤێژا خۆ بشۆته‌ڤه‌ هه‌كه‌ ڤيا نڤێژێ بكه‌ت، به‌لێ پسيار ئه‌ڤه‌يه‌ هه‌كه‌ گۆمان بۆ چێ بوو يان دوودل كه‌فت ب ده‌ركه‌فتنا باى بێى كو ده‌نگ بگه‌هيتێ يان بێهن بگه‌هيتێ.. ئه‌رێ ل ڤێرێ ده‌ستنڤێژ دكه‌ڤيت يان نه‌؟ ئيمام مالك و حه‌سه‌ن به‌صرى خودێ ژ هه‌ردوويان رازى بيت دبێژن: هه‌كه‌ ئه‌و د نڤێژێدا بيت و ئه‌ڤ هه‌سته‌ بۆ چێ بوو دێ نڤێژا خو به‌ته‌ سه‌رى و هه‌كه‌ ده‌رڤه‌ى نڤێژێ ئه‌ڤ هه‌سته‌ بۆ چێبوو ده‌ستنڤێژ دكه‌ڤيت، ئه‌ڤه‌ هه‌كه‌ يێ ب ده‌ستنڤێژ بيت و ب شك و گۆمان كه‌فت، به‌لێ هه‌كه‌ هه‌ست دورستى بۆ چێبوو ده‌ستنڤێژ دكه‌ڤيت و هه‌وجه‌ نينه‌ خۆ ل هيڤيا بێهنێ و ده‌نگى بگريت. به‌لێ جمهورێ زانايان دبێژن: ئه‌گه‌ر گۆمان بيت و نه‌بوو هه‌ستێ گۆمانبرِ، ده‌ستنڤێژ ناكه‌ڤيت، چونكي پێغه‌مبه‌ر (سلاڤێت خودێ لێ بن) دبێژيت: هه‌كه‌ ئێك ژ هه‌وه‌ تشته‌ك د زكێ خۆدا ديت بلا ژ مزگه‌فتێ نه‌ده‌ركه‌ڤيت هه‌تا بێهنه‌ك يان ده‌نگه‌ك دهێتێ و خودێ چێتر دزانيت.