ب / د مه‌زهه‌بێ شافعى و حه‌نبه‌ليدا ده‌ستنڤێژ سه‌ر نارابيت، چونكى ته‌رتيب ل ده‌ف وان واجبه، دڤێت ئه‌ندام دويف ئه‌ندامى بێته شويشتن، هه‌روه‌كى د قورئانێدا هاتى و هه‌روه‌كى ژ پێغه‌مبه‌رى (سلاڤێت خودێ لێ بن) هاتيه وه‌رگرتن: دڤێت ده‌ستپێكێ سه‌روچاڤ بێنه شويشتن، پاشى ده‌ست هه‌تا ئه‌نيشكێ، پاشى مه‌سحا سه‌رى بێته‌كرن، پاشى هه‌ردوو پێ بێنه شويشتن. و دويف مه‌زهه‌بێ ئيمام مالكى و ئه‌بو حه‌نيفه‌ى ده‌ستنڤێژ سه‌ر رادبيت و هه‌وجه ناكه‌ت ده‌ستنڤێژێ جودا بگريته‌ڤه، به‌لێ ب مه‌رجه‌كى دڤێت ئنيه‌تا ده‌ستنڤێژ شويشتنێ هه‌بيت ده‌مێ سه‌رێ خۆ دشۆت يان خۆ دئێخيته ئاڤێ، چونكى ته‌رتيب ل ده‌ف وان نه‌واجبه و ره‌ئيا ئێكێ دورستتره و خودێ چێتر دزانيت.
