ب/ بۆ وى يێ قورئانێ ژبه‌ر دكه‌ت يان قورئان خواندن بۆ بوويه سروشت وعه‌ده‌ت و به‌ردوام قورئانێ دخوينيت.. هه‌تا ئه‌و زانايێت شويشتنا ده‌ستنڤێژێ بۆ هه‌لگرتنا قورئانێ واجب دبينن، ئه‌ڤه يێت ژێ ده‌رێخستين، و ئه‌ڤ واجبه ژ ڤان ناگريت، چونكى ئه‌ڤێ به‌رده‌وام ب خواندنا قورئانێ ڤه نه‌شێت به‌رده‌وام يێ ب ده‌ستنڤێژ بيت، و هه‌رگاڤا ده‌ستنڤێژا وى كه‌فت بشۆته‌ڤه، و هه‌كه بشۆت ب زه‌حمه‌ته و هه‌كه نه‌شۆت ئه‌ڤه قورئان ژ بيرا وى چۆ.
د موغنى موحتاجێدا هاتيه: يێ به‌رده‌وام قورئانێ بخوينيت بۆ ژبه‌ركرنێ ل سه‌ر وى نه‌واجبه به‌رده‌وام ده‌ستنڤێژا خۆ بۆ خواندن و هه‌لگرتنا قورئانێ بشۆت. وه‌كى دى، گشتى كا ده‌ستنڤێژ بۆ خواندن و هه‌لگرتن و ده‌ستكرنا قورئانێ واجبه يان سوننه‌ته، ئه‌ڤه جهێ نه‌لێكى و ژێكجودابوونا زانايانه، ئبن عه‌باس (خودێ ژێ رازی بيت) دبێژيت: نه‌واجبه، و ديسا شه‌عبى و زه‌حاك و ئبن حه‌زم ژی خودێ ژ وان رازى بيت هه‌ر ڤێ دبێژن، سه‌عيدێ كورێ جوبه‌يرى (خودێ ژێ رازی بيت) دبێژيت: ئبن عه‌باسى و ئبن عومه‌ري هه‌ردوكان قورئان بێ ده‌ستنڤێژ دخواند، عه‌بدولره‌زاق د موسه‌نه‌فيدا ژ سه‌لمان فارسى (خودێ ژێ رازي بيت) ڤه‌دگوهێزيت: وى قورئان بێ ده‌ستنڤێژ دخاند، پشتێ پسيار ژێ هاتيه‌كرن چاوا بێ ده‌ستنڤێژ قورئانێ دخوينيت؟! گۆت: من پێغه‌مبه‌رێ خودێ (سلاڤێت خودێ لێ بن) ديتيه پشتى ژ ده‌ستئاڤێ زڤرى قورئان خوانديه، به‌رى ده‌ستنڤێژا خۆ بشۆت. و ئيمام مالك (خودێ ژێ رازی بيت) بابه‌ته‌ك د (موگئ)ێدا ئينايه ل بن ڤێ نيشانێ: (باب الرخصه في قراءه القرآن على غير وچوء). و ئيمامێ (طحاوي) و نه‌سائى و ترمزى حه‌ديسه‌كێ ڤه‌دگێرن كو پێغه‌مبه‌رى (سلاڤێت خودێ لێ بن) د هه‌مى كراساندا قورئان دخواند د جه‌نابه‌تێدا نه‌بيت.
ژ ئه‌ڤا بۆرى دهێته زانين ئه‌ڤ خويشكه دشێت قورئانێ بخوينيت و مه‌رج نينه يا ب ده‌ستنڤێژ بيت، خۆ هه‌كه د عادێدا ژى بيت ئه‌و دشێت قورئانێ بخوينيت و وه‌ختێ خۆ ژ خۆ نه‌به‌ت و خودێ چێتر دزانيت.
