ب / شه‌نگستێ گشتى هه‌ردوو وه‌كى ئێكن، و چو جوداهي نينه، كا چاوا زه‌لام غوسلا خۆ رادكه‌ت؛ وه‌سا ژن ژى دێ راكه‌ت، و ژن سه‌رێ خۆ بۆ جه‌نابه‌ت و عادێ و چلكان دشۆت، ڤيجا دڤێت ئنيه‌تێ بينيت كو ئه‌ڤ سه‌رشويشتنه بۆ راكرنا چيه. دڤێت ئاڤ بگه‌هيته هه‌مى له‌شى، و ئه‌گه‌ر سێ جار له‌شێ خۆ بشۆت خێرتره، و جاره‌ك ب تنێ به‌سى وێيه. چێتره به‌رى ئاڤێ ل سه‌رێ خۆ بكه‌ت ده‌ستنڤێژا خۆ بگريت وه‌كى زه‌لامى. نه‌مه‌رجه ژن پرچ و كه‌زيێت خۆ ڤه‌كه‌ت ئه‌گه‌ر ئاڤ بگه‌هيته بن هه‌مى پرچێ. نابيت چو تشت ل سه‌ر له‌شى يان نوينۆكان بيت نه‌هێليت ئاڤ بگه‌هيته هه‌مى له‌شى. يا باشه بێنخۆشيه‌كێ يان موعه‌قه‌مه‌كى ب كار بينيت هه‌كه سه‌رشويشتنا وێ بۆ عادێ و چلكان بيت، و هه‌كه بۆ جه‌نابه‌تێ بيت نه و خودێ چێتر دزانيت.
