ب / نه‌خێر، چو راستى بۆ ڤێ چه‌ندێ نينه، و دورسته مرۆڤێ ب جه‌نابه‌ت ده‌ستێ خۆ بكه‌ته هه‌ر تشتێ وى بڤێت و ئه‌و تشت پيس نابيت، چونكى مرۆڤێ موسلمان به‌رده‌وام يێ پاقژه و پيس نابيت.
به‌لێ هه‌كه ئاڤ ب كار ئينا بۆ راكرنا جه‌نابه‌تێ و ئنيه‌تا خۆ ئينا، ئه‌و ئاڤا ب كار ئيناى يا پاقژه، به‌لێ نه‌يا پاقژكه‌ره، ئانكو: ئه‌و ئاڤ نه‌يا پيسه هه‌كه ب له‌شێ مرۆڤى كه‌فت، به‌لێ نه‌يا دورسته جاره‌كا دى بێته ب كارئينان بۆ ده‌ستنڤێژێ يان راكرنا جه‌نابه‌تا جاره‌كا دى و خودێ چێتر دزانيت.
