ب / يا دورست ئه‌وه مرۆڤ شه‌رمێ نه‌كه‌ته هه‌جه‌ت سه‌رێ خۆ نه‌شۆت، و نڤێژێ نه‌كه‌ت، به‌لكى فه‌ره بێژته خودانێ مالێ، ئه‌ز يێ ب جه‌نابه‌تم، و ئه‌ڤه تشته‌كێ ئاسا بوو د ناف موسلماناندا، نه‌خاسمه سه‌حاباندا، گه‌له‌ك جاران دا به‌رێ خۆ ده‌نه جلكێت خۆ دا ئاڤه‌كا سپى پێڤه بينن، دا رابن چن سه‌رێ خۆ شۆن، و هه‌ميان دزانى كا ئه‌و ژبه‌ر چ رابوون، ژ وان: عومه‌رێ كورێ خه‌تابى و عوسمانێ كورێ عه‌فانى (خودێ ژ وان رازى بيت) د ديوانێدا يێت رابووين و گۆتين ئه‌م هه‌وجه‌ى سه‌رشويشتنێينه، ڤيجا نابيت شه‌رم ته بده‌ته پاش تو سه‌رێ خۆ نه‌شۆى، به‌لێ هه‌كه تو ترسياى هزره‌كا خه‌له‌ت ژ ته بكه‌ت.. هنگى بلا سه‌رێ خۆ نه‌شۆى، به‌لێ دڤێت ته‌يه‌مومێ بكه‌ى دا نڤێژ ژ ته نه‌چيت، و مه‌رج نينه بۆ ته‌يه‌مومێ بچيه سه‌رێ گره‌كێ ئاخێ، به‌رێ خۆ بده جهه‌كێ پيچه‌كا تۆزێ پێڤه بيت يان ديواره‌كێ ب تۆز بيت و ته‌يه‌مومێ بكه، به‌لێ پشتى هنگى دڤێت هه‌ر سه‌رێ خۆ بشۆى دا جه‌نابه‌تا خۆ ژ سه‌ر خۆ راكه‌ى، و ئه‌و ته‌يه‌موم به‌س دا نڤێژا سپێدێ ژ ته نه‌چيت و خودێ چێتر دزانيت.
