ب / سوبغا نوينۆكان ب خۆ نه‌يا حه‌رامه، به‌لێ هه‌كه كه‌فته سه‌ر له‌شێ مرۆڤى و ل سه‌ر ئه‌ندامه‌كآ ده‌ستنڤێژێ دڤێت بێته راكرن هه‌كه ده‌ستنڤێژ نه‌يا دورسته، و سه‌رشويشتنا ژنێ بۆ عادێ و جه‌نابه‌تێ نه‌يا دورسته، چونكي ناهێليت ئاڤ بگه‌هيته جهێت پێدڤى، ژبه‌ر هندێ دڤێت كچا موسلمان ب سفكى به‌رێ خۆ نه‌ده‌ته سوبغێ و بێژيت چو نينه، چونكى هه‌كه وێ سوبغا نوينۆكا ژێ نه‌بر ئه‌ڤه نه ده‌ستنڤێژا وێ يا دورسته و نه ئه‌و ژ عادێ ده‌ركه‌فت و هه‌كه ئه‌و د كراسێ جه‌نابه‌تێدا بيت دێ هه‌ر مينيته تێدا و ژێ ناده‌ركه‌ڤيت ژبه‌ر سوبغا نوينۆكان.
ژبه‌ر ئه‌ڤا بۆرى يا باشتر ئه‌وه ئه‌م وى تشتى نه‌فرۆشين يێ ببيته ئه‌گه‌رێ هندآ نڤێژێت گه‌له‌ك موسلمانان به‌رنه‌كه‌ڤن، و ژ كراسێ عادێ و جه‌نابه‌تێ نه‌ده‌ركه‌ڤن، و فرۆتنا وێ نه‌يا حه‌رامه، به‌لێ ماده‌م ئه‌ڤ زيانه تێدانه.. ئه‌ز وه‌كى موسلمان بۆ پاراستنا نڤێژێت خه‌لكى ئه‌ز نافرۆشم، و خودێ چێتر دزانيت.
