ب / هه‌كه بزانيت و بێ گۆمان دێ بازار دگه‌ل هێته‌كرن، و رێژه‌كا كێم بۆ بازاركرنێ بدانيت و ب دورستى وێ رێژێ بينيته‌خوار دورسته و چو تێدا نينه، هه‌رچه‌نده ئه‌ز دبينم يا باشتر ڤێ نه‌كه‌ت، و راستيا بهايێ تشتێ خۆ بێژيت، و هه‌كه وه‌كر تشته‌كێ زێده گۆت و بكرى بازار دگه‌ل نه‌كر و ڤيا بێ بازار بكرِيت و وى تشته‌كێ زێده بۆ بازارى يێ داناى و وى بازار نه‌كر هنگى دڤێت ئه‌و يێ زێده ژێ نه‌وه‌رگريت و راستيێ بۆ بێژيت كا بۆچى وى زێده‌ييه‌ك هاڤێتبوو سه‌ر بهايێ دورست، و وێ زێده‌ييێ ژ وى نه‌ستينيت، و دڤێت بزانين هه‌كه هه‌ردوو دگه‌لێك د راست بن دێ خودێ به‌ره‌كه‌تێ بۆ هه‌ردووكان ئێخيتێ، بكرى د وي تشتيدا يێ كرى، و فرۆشكارى د وى بهايدا يێ وه‌رگرتى. پێغه‌مبه‌ر (سلاڤێت خودێ لێ بن) هه‌روه‌كى بوخارى و موسلم ژ حه‌كيمێ كورێ حه‌زامى ڤه‌دگێرن، دبێژيت: ((الْبيِّعَان بالخِيارِ ما لم يتفرَّقا، فإِن صدقَا وبينا بوُرِك لهُما في بَيعْهِما، وإِن كَتَما وكذبَا مُحِقَتْ بركه بيْعِهِما)) فرۆشكار و بكر (د كرين و فرۆتنا خۆدا لێڤه ببن يان نه) ب كه‌يفا خۆنه هندى ژێكڤه نه‌بن، ڤێجا هه‌كه راستى (د كرِين و فرۆتنا خۆدا) گۆتن و (كێماسى و تشتێ هه‌ردوو هه‌وجه) ئاشكرا كرن، ئه‌ڤه به‌ره‌كه‌ت كه‌فته د كرِين و فرۆتنا واندا، و هه‌كه (د كرِين و فرۆتنا خۆدا) كێماسى ڤه‌شارتن و دره‌و كرن، به‌ره‌كه‌تا كرِين و فرۆتنا وان چۆ، و خودێ چێتر دزانيت.
