ب/ ئاشكرايه كا بازرگاني بۆ چ دهێته‌كرن، دا بگه‌هنه قازانجه‌كێ دادپه‌روه‌ر، هه‌كه ئه‌ڤ ئارمانجه پشت بازرگانى و كرين و فرۆتنێ نه‌بيت، خه‌لك وى كارى ناكه‌ت، و دێ ده‌ست ژێ به‌رده‌ت، و هنگى دێ زه‌حمه‌ت و به‌رته‌نگى بۆ خه‌لكى دورست بيت، به‌لێ بازرگاني و فرۆشكارى هه‌تا چ تخويب بۆ هه‌يه قازانجێ د كارێ خۆدا بكه‌ت، دويفچۆنه‌كا هوير و كوير دويف ده‌قێت قورئانێ و فه‌رموده‌يێت پێغه‌مبه‌رى (سلاڤێت خودێ لێ بن) دياردبيت، چو ده‌ق نينن ئاشكرايى رێژه‌يا قازانجكرنێ واجب يان باش و موسته‌حه‌ب ده‌ستنيشان و تخويبداركه‌ت، وه‌كى: سێكێ يان چارێكێ يان پێنجێكێ و هۆسا، و رێژه يا ڤه‌كريه، ل سه‌ر ده‌مێ پێغه‌مبه‌رى (سلاڤێت خودێ لێ بن) هه‌روه‌كى ئه‌بو داوود و ترمزى و به‌يهقى و داره‌قوتنى و ته‌به‌رانى ژ حه‌كيمآ كورآ حوزامى ڤه‌گێراى دبێژيت: (عن حَكِيمِ بن حِزَامٍ أَنَّ رَسُولَ اللَّهِ (سلاڤێت خودێ لێ بن) بَعَپ معه بِدِينَارٍ يشْتَرِي له أُضحِيه فَاشْتَرَاهَا بِدِينَارٍ وَبَاعَهَا بِدِينَارَيْنِ فَرَجَعَ فَاشْتَرَى له أُضحِيه بِدِينَارٍ وَجَاءَ بِدِينَارٍ إلى النبي (سلاڤێت خودێ لێ بن) فَتَصَدَّقَ بِهِ النبي (سلاڤێت خودێ لێ بن) وَدَعَا له أَنْ يُبَارَكَ له في تِجَارَتِهِ) پێغه‌مبه‌رى (سلاڤێت خودێ لێ بن) ديناره‌ك دگه‌ل هنارت قوربانه‌كى بۆ بكرِيت، ئێك ب ديناره‌كێ كرى و ب دوو ديناران فرۆت، و زڤرى قوربانه‌كێ دى ب ديناره‌كێ كرِى، و دينار بۆ پێغه‌مبه‌رى (سلاڤێت خودێ لێ بن) ئيناڤه، پێغه‌مبه‌رى (سلاڤێت خودێ لێ بن) كره خێر و دوعا به‌ره‌كه‌تێ بۆ كر، ژ ڤێ حه‌ديسێ دهێته زانين حه‌كيمى (خودێ ژێ رازى بيت) رێژه‌يا سه‌د ژ سه‌دێ قازانجا كرى و پێغه‌مبه‌رى (سلاڤێت خودێ لێ بن) په‌سندكر و كارێ وى نه‌دورست نه‌دانا. ديسا د حه‌ديسه‌كا ديدا بوخارى و به‌يهه‌قى و ئيمام ئه‌حمه‌د ژ عه‌روێ كورێ بابێ جوعدى يێ بارقى (خودێ ژێ رازى بيت) ڤه‌دگێرن: ((عن عُرْوَه أَنَّ النبي صلى الله عليه وسلم أَعْطاهُ دِينَارًا يشْتَرِي له بِهِ شَاه فَاشْتَرَى له بِهِ شَاتَيْنِ فَبَاعَ إِحْدَاهُمَا بِدِينَارٍ وَجَاءَهُ بِدِينَارٍ وَشَاه فَدَعَا له بِالْبَرَكَه في بَيْعِهِ)) عه‌روه (خودێ ژێ رازى بيت) دبێژيت: پێغه‌مبه‌رى (سلاڤێت خودێ لێ بن) ديناره‌ك دا ڤێ دا گيسكه‌كى بۆ بكرِيت.. وى دوو گيسك پێ كرين، ئێك ژ وا ب ديناره‌كێ فرۆت، و هاته ده‌ف پێغه‌مبه‌رى (سلاڤێت خودێ لێ بن) ب دينارێ و گيسكى، پێغه‌مبه‌رى (سلاڤێت خودێ لێ بن) دوعا به‌ره‌كه‌تێ بۆ د فرۆتنا ويدا كر. ژ ڤان هه‌ردوو حه‌ديسا ديار دبيت چو رێژێت قازانجكرنێ يێت تخويبدار نينن، و ئه‌ز دبينم ئيسلامێ ئه‌ڤه نه‌كريه چونكى دبيت دياركرنا رێژه‌يه‌كا ده‌ستنيشانكرى، بۆ هه‌مى تشتان و ل هه‌مى چه‌رخ و ده‌مان و د هه‌مى كراس و ره‌وشاندا و بۆ هه‌مى كه‌ساندا به‌روڤاژى دادپه‌روه‌ريێيه، و به‌رده‌وام دادپه‌روه‌ريێ ب جه نائينيت، و رێژه‌يا قازانجكرنێ هێلايه ب هيڤيا دوو تشتانڤه:
ئێك: رێز و سه‌روبه‌رێ جڤاكى، و ئه‌ڤه ره‌گه‌زه‌كێ سه‌ره‌كيه د بهاياندا و رێژه‌يا قه‌بويلكرى ژ قازانجكرنێ.
دوو: سنج و ئه‌خلاقێ فرۆشكارى و وژدانا وى و كا وى چاوا دڤێت خه‌لك سه‌ره‌ده‌ريێ دگه‌ل بكه‌ت و كا ئه‌و هه‌تا چ رێژه ژ خه‌لكى قه‌بويل دكه‌ت قازانجێ ژ وى بكه‌ت هه‌كه ژ وان كرِى، دويف حه‌ديسا پێغه‌مبه‌رێ پيرۆز (سلاڤێت خودێ لێ بن) هه‌روه‌كى بوخارى و موسلم ژ ئه‌نه‌سى (خودێ ژێ رازى بيت) ڤه‌دگێرن: ((لاَ يُؤمِنُ أَحَدُكُمْ حَتَّى يُحِبَّ لأَخِيهِ مَا يُحِبُّ لِنَفْسِهِ)) كه‌س ژ هه‌وه ب دورستى باوه‌ريێ نائينيت هه‌تا وى خێر بۆ برايێ خۆ نه‌ڤێت كا چاوا بۆ خۆ دڤێت. و ديسا دويف حه‌ديسا بوخارى ژ ڤه‌گێرانا جابرآ كورآ عه‌بدوللاى (خودێ ژێ رازى بيت): ((رَحِم اللَّه رجُلا سَمْحاً إذا بَاع، وَإذا اشْتَرى، وَإذا اقْتَضى)) خودێ دلۆڤانيێ ب وى زه‌لامى ببه‌ت يێ ب ساناهى بيت: ده‌مێ دكرِيت و ده‌مێ دفرۆشيت و ده‌مێ ده‌ينى دخوازيت، و خودێ چێتر دزانيت.
