ب / ده‌م هه‌مى يێت كارينه، به‌لێ پێغه‌مبه‌ر (سلاڤێت خودێ لێ بن) ئاراسته‌كرنا مه دكه‌ت ئه‌م زوى ده‌ركه‌ڤينه كارێ خۆ و دره‌نگ نه‌ده‌ركه‌ڤين و ديار دكه‌ت به‌ره‌كه‌ت يا د ده‌ركه‌فتنا زويدا، مه‌خسه‌د سپێدێ زوى و دره‌نگ نه‌ده‌ركه‌ڤيته كارێ خۆ. سه‌خرێ كورێ وه‌داعێ غامدى يێ سه‌حابى (خودێ ژێ رازى بيت) د ڤه‌گێرا ئه‌بو داوود و ترمزيدا دبێژيت: پێغه‌مبه‌ر (سلاڤێت خودێ لێ بن) دبێژيت: (اللَّهُمَّ بَارِكْ لأُمَّتي في بُكُورِها) يا خودێ به‌ره‌كه‌تێ بۆ ئوممه‌تا من بێخه د هشياربوونا واندا ل ده‌سپێكا رۆژێ. و هه‌ر ئه‌ڤ سه‌حابيه دبێژيت: هه‌كه سريه‌ك يان له‌شكه‌ره‌ك هنارتبا ل سه‌رێ رۆژێ دهنارت، و سه‌خر بازرگان بوو، و بازرگانيا خۆ ل سه‌رێ رۆژێ دهنارت، زه‌نگين بوو و مالێ وى زێده‌بوو. و يا فه‌ره ده‌مێ مرۆڤ ده‌ردكه‌ڤيت يآ رژد و هشيار بيت ل سه‌ر حه‌لالى، و ئنيه‌تا وى ئه‌و بيت نێزيكى حه‌رامى نه‌بيت، چونكى پێغه‌مبه‌ر (سلاڤێت خودێ لێ بن) دبێژيت: ((خودێ مه‌زن دڤێت به‌نده‌يآ خۆ ببينيت ل حه‌لالى دگه‌ريێت و دخوازيت، و خودێ چێتر دزانيت.
