به‌رسڤێت شه‌رعى ل دۆر هه‌ڤكارى و بازرگانيێ

ب / كرين و فرۆتنا ب قست و ب پتر ژ بهايێ رۆژێ هه‌كه‌ وێ گاڤێ بده‌ت زانا دورست ددانن ب مه‌رجه‌كى هه‌كه‌ پێكهاتن يا ئێك گۆتن بيت و نه‌يا ڤه‌كرى بيت، بۆ رۆنكرن: هه‌كه‌ بێژيت ئه‌ڤه‌ سه‌ياره‌ بۆ ته‌ بۆ خۆ ببه‌ و تو يێ ب كه‌يفا خۆيى هه‌كه‌ ته‌ بهايێ وێ ڤێ گاڤێ دا بۆ من هندێ بينه‌ و هه‌كه‌ ته‌ ڤيا بهێلى و ب قست بده‌ى بهايێ وێ هنده‌يه‌.. ئه‌ڤه‌ يا خه‌له‌ته‌، چونكى پێكهاتن ل سه‌ر سه‌ره‌كى تنێ نه‌هاته‌كرن، به‌لێ هه‌كه‌ پێكهاتنا خۆ هه‌ر ل ده‌ستپێكێ ئێك ئاخفتن بكه‌ت بێژيتێ ب قست ب هندێيه‌ يان ڤێگاڤێ ب هندێيه‌ و ئه‌و ئێك ژ دوويان بۆ خۆ هه‌ر ل ده‌سپێكێ هه‌لبژێريت يان ب قست يان حازر، و زانايێت ئه‌ڤ ره‌نگه‌ فرۆتنه‌ دورستكرى جمهورێ زانايانه‌ و حه‌نه‌فينه‌ و شافعينه‌ و ئيمامێ شه‌وكانى (خودێ ژێ رازى بيت) ڤێ بۆچۆنێ دورستتر ددانيت، و خودێ چێتر دزانيت.