ب / گۆتنا دورستتر ل ده‌ف حه‌نبه‌ليان حه‌رامه و نه‌دورسته و يێ كاره‌كێ هۆسا د مزگه‌فتێڤه بكه‌ت ـ چ بكرِيت چ بفرۆشيت ـ وى كاره‌كێ حه‌رام كر به‌لێ ئه‌و پێكهاتن نا هه‌لوه‌شيێت و دێ چيته سه‌رى، چونكى رازيبوون ژ هه‌ردوولايان يا چێ بووى و شه‌نگستێت كرين و فرۆتنآ په‌يدابوون، به‌لێ حه‌راميه‌ك هاته‌كرن، چونكى ئه‌بو هوره‌يره (خودێ ژێ رازى بيت) د ڤه‌گێرا ترمزيدا دبێژيت: پێغه‌مبه‌رى (سلاڤێت خودێ لێ بن) گۆت: (إِذا رأَيتم مَنْ يبِيعُ أَو يبتَاعُ في المسجدِ، فَقُولُوا: لا أَرْبَحَ اللَّه تِجَارتَكَ) هه‌كه هه‌وه ئێك ديت د مزگه‌فتێڤه دفرۆشيت يان دكريت، بێژنێ: خودێ بازرگانيا ته فايده نه‌ئێخيت. ديسا عه‌مرێ كورێ شوعه‌يبى ژ بابێ خۆ ژ باپيرێ خۆ، خودێ ژ هه‌ميان رازى بيت، د ڤه‌گێرا ترمزى و ئه‌بو داووديدا دبێژيت: (ان رَسُولَ اللَّهِ صَلّى اللهُ عَلَيْهِ وسَلَّم نَهَى عَنِ الشِّرَاءِ وَالبَيْبعِ فِي المسْجِدِ) پێغه‌مبه‌رێ خودێ (سلاڤێت خودێ لێ بن) نه‌هيا ژ كرين و فرۆتنێ د مزگه‌فتێڤه كرى، و ل ده‌ف مالكيان و شافعيان و هنده حه‌نبه‌ليان وه‌كى ئبن ته‌يميه (خودێ ژێ رازى بيت) كرين و فرۆتن د مزگه‌فتێڤه نه‌يا حه‌رامه به‌لێ يا مه‌كروهه، و ل ده‌ف ئه‌بو حه‌نيفه (خودێ ژێ رازى بيت) هه‌كه به‌س ئاخفتن بيت و تشتى نه‌ئيننه مزگه‌فتآ دورسته، و ئه‌ز بۆچۆنا جمهورى دورستتر ددانم مه‌كروهه و دڤێت ئه‌م مزگه‌فتێ ژ كرين و فرۆتن و هه‌رتشتێ مرۆڤى ژ ئاخره‌تێ و نڤێژى مژويل دكه‌ت دوير بێخيت، چونكى مزگه‌فت بۆ هندآ نه‌هاتينه ئاڤاكرن، و عه‌تائێ كورێ يه‌سارى (خودێ ژێ رازى بيت) هه‌رگاڤا ئێك ديتبا تشته‌ك د ده‌ستيدا دا بێژيتێ ته چ دڤێت هه‌كه گۆتبا من دڤێت بفرۆشم دا بێژيتآ هه‌ره سويكا دنيايێ، ئه‌ڤه سويكا ئاخره‌تێيه، و خودێ چێتر دزانيت.
