ب / كرين و فرۆتن رۆژا ئه‌ينى هه‌تا ده‌مێ خوتبێ و پشتى خوتبێ ژى تشته‌كێ ئاساييه، و دورسته و چو كێماسى تێدا نينه، به‌لێ لێكجودابوون يا هه‌ى ل سه‌ر كرين و فرۆتنا ده‌مێ خوتبێ پشتى بانگێ خوتبێ دئێته دان.
بۆ وان ئه‌وێت خوتبه ل سه‌ر نه وه‌كى ژن و رێڤنگ و بچويكان دورسته درێژيا رۆژا خوتبه كرِين و فرۆتنێ بكه‌ن، و ده‌مێ خوتبێ ژى، و پشتى بانگێ ئێكێ و يێ دووێ ژێ؛ چونكى خوتبه ل سه‌ر وان نينه و فه‌رمانا خودێ ((يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِن يَوْمِ الْجُمُعَةِ فَاسْعَوْا إِلَىٰ ذِكْرِ اللَّهِ وَذَرُوا الْبَيْعَ ذَٰلِكُمْ خَيْرٌ لَّكُمْ إِن كُنتُمْ تَعْلَمُونَ)) گه‌لى خودان باوه‌ران، گاڤا رۆژا ئه‌ينيێ بانگێ نڤێژێ هاته‌دان، هوين بۆ بيرئينانا خودێ و گوهدانا وه‌عزى و نڤێژا ئه‌ينيێ هه‌رن، و كرِين و فرۆتنێ بهێلن، ئه‌ڤه هێلانا كرِين و فرۆتنێ و گرتنا رێكا رازيبوونا خودێ بۆ هه‌وه چێتره ئه‌گه‌ر هوين بزانن. ئه‌ڤ فه‌رمان و گازيه ژ وان ناگريت، به‌لێ ئه‌وێت خوتبه ل سه‌ر دڤێت هه‌رده‌مآ بانگێ خوتبێ گولێ بوون، هه‌ر كاره‌كێ د ده‌ستيدا هه‌بيت بهێلن و به‌رێ خۆ بده‌نه خوتبێ، و كرِين و فرۆتن ژ وان كارانه يێت دڤێت بهێلن، و زانا نه‌ئێكن كا كيژ بانگ يێ ئێكێ يان يێ دووێ! پاشى بانگێ كيژ مزگه‌فتێ.. يا نێزيكى وى يان بانگێ ئێكێ گولێ دبيت، ل هه‌ر مزگه‌فتا هه‌بيت! يان بانگێ وێ مزگه‌فتێ يا ئه‌و نڤێژا خۆ لێ دكه‌ت، و ئه‌ڤ كرين و فرۆتنه ل ده‌ف شافعيان يا مه‌كروهه به‌لێ نه‌يا حه‌رامه، و ل ده‌ف غيرى وى وه‌كى حه‌نبه‌ليان و مالكيان يا حه‌رمه و نه‌يا دورسته، و هه‌كه هاته كرِين دڤێت بێته زڤرينڤه، و ئه‌ز بۆچۆنا شافعيان ب هێزتر دبينم نه‌خاسمه هه‌كه نڤێژ و خوتبه ژێ نه‌چۆبن، و كا كيژ بانگ بانگێ دووێ مه‌به‌سته ل ده‌ف شافعيان و ل ده‌ف غيرى وان بانگێ ئێكێ و دبيت بۆچۆنا شافعيان ب هێزتر بيت، چونكى ده‌مێ ئايه‌تا سۆره‌تا جوموعه هاتيه خوارێ بانگێ ئێكێ نه‌بوو، و كا بانگآ كيژ مزگه‌فتێ مه‌به‌سته.. ئه‌ز دبينم ئه‌و مزگه‌فتا خودانى ل به‌ره نڤێژێ لێ بكه‌ت و وى شۆل ب بانگێ مزگه‌فتێت دى نينه، و خودێ چێتر دزانيت.
