ب / ئه‌ڤه دبيت ببيت و رويده‌ت فرۆشكار په‌شێمان ببيت و ببينيت يێ زيانكاره، و حه‌زكه‌ت لێڤه ببيت و تشتێ كرى بۆ خودانى بزڤرينته‌ڤه، و دبيت بكر ژ فرۆتنا خۆ په‌شێمان ببيت حه‌زكه‌ت ژ فرۆتنا خۆ په‌شێمان ببيت و بهايێ تشتى بۆ بكرى بزڤرينيت، و تشتێ خۆ بۆ خۆ بزڤرينيته‌ڤه، هنگى و د ڤى كراسيدا ئيسلامێ به‌رێ مه يێ دايه نه‌رماتى و ساناهيكاريێ و شيره‌تێ ل هه‌ردووكان دكه‌ت د ڤى كراسيدا دگه‌ل ئێك و دوو د نه‌رم و هاريكاربن و دويف ئێك و دوو بهێن و بۆ ئێك و دوو بزڤرينن. ئه‌بو داوود و حاكم و به‌يهه‌قى ژ ئه‌بو هوره‌يره (خودێ ژێ رازى بيت) ڤه‌دگێرن دبێژيت پێغه‌مبه‌ر (سلاڤێت خودێ لێ بن) دبێژيت: (من أقال مسلما أقاله الله عثرته) و ئبن ماجه زێدكريه (يوم القيامة) ئانكو هه‌ركه‌سێ فرۆتنا موسلمانه‌كى بۆ بزڤرينيت خودێ دێ كه‌فتنا وى رۆژا قيامه‌تێ بلندكه‌ت ئانكو خودێ رۆژا قيامه‌تێ ل گونه‌ها وى و خه‌له‌تيا وى دبۆريت، و د ڤه‌گێره‌كا ديدا يا به‌يهه‌قى و حاكم و ئبن حه‌بانيدا هاتيه پێغه‌مبه‌ر (سلاڤێت خودێ لێ بن) دبێژيت: (من أقال نادما أقاله الله) يآ ل په‌شێمانه‌كى بزڤرينيت خودێ دێ ل وى بۆريت، و خودێ چێتر دزانيت.
