ب / ئه‌ڤ كاره يێ دورسته ب دوو سێ مه‌رجان:
ئێك: ئه‌ڤ كارێ به‌رگه‌ريانێ بۆ دكه‌ت و د ناڤبه‌ر وان هه‌ردووكاندا دهێت و دچيت و كارى بۆ ساناهى دكه‌ت كاره‌كێ حه‌لال و دورست بيت به‌رگه‌ريانێ بۆ كاره‌كێ حه‌رام نه‌كه‌ت.
دوو: ئه‌و د بنياتدا يێ دامه‌زراندى نه‌بيت بۆ وى كارى وه‌كى فه‌رمانبه‌ر بيت، و ئه‌ڤه كارێ وى بيت و د سه‌ر هندێرا پارا ژى بۆ خۆ ژ هه‌ردووكان بستينيت، هه‌كه وه‌كر ئه‌ڤه حه‌راميه دكه‌ت.
سێ: ب ئه‌مانه‌ت د ناڤبه‌را واندا بهێت و بچيت و خيانه‌تێ ب چو ره‌نگان نه‌كه‌ت و چاوا خێرا خۆ بڤێت دڤێت وه‌سا خێرا هه‌ردوويان بڤێت، و خه‌ما وى به‌س ئه‌و نه‌بيت كا پشكا وى چه‌نده و به‌س ل سه‌ر هندێ يێ رژد و هشياربيت، و خه‌ما هه‌ردووكان د بنيرا نه‌خۆت، چونكى پێغه‌مبه‌رێ خۆشتڤى (سلاڤێت خودێ لێ بن) هه‌روه‌كى بوخارى و موسلم ژ ئه‌نه‌سآ كورێ مالكى (خودێ ژێ رازى بيت) ڤه‌دگێرن، دبێژيت: (لاَ يُؤمِنُ أَحَدُكُمْ حَتَّى يُحِبَّ لأَخِيهِ مَا يُحِبُّ لِنَفْسِهِ) كه‌س ژ هه‌وه ب دورستى باوه‌ريێ نائينيت هه‌تا وى خێر بۆ برايێ خۆ نه‌ڤێت كا چاوا بۆ خۆ دڤێت، و خودێ چێتر دزانيت.
