ب / دڤێت وكيل يێ ئه‌مين و دلسۆز بيت بۆ وه‌كاله‌تده‌رێ خۆ، و چاوا خێرا خۆ بڤێت، وه‌سا خێرا وى ژى بڤێت، و خيانه‌تێ نه‌كه‌ت، و هه‌ر تشته‌كێ بۆ دكريت خێرا وى تێدا بپارێزيت به‌رى يا هه‌ر كه‌سه‌كى، و نابيت ئه‌و وێ وه‌كاله‌تێ د خێر و به‌رژه‌وه‌ندى و مفايێ خۆدا ب كاربينيت، ژبه‌ر هندێ ل ده‌ف ئيمام مالك نابيت ئه‌و تشتێ خۆ بێى ئزنا وى بۆ بكريت؛ چونكى ئاسايى هه‌كه يێ ته بيت دێ به‌رژه‌وه‌ندى و مفايێ خۆ به‌رى يێ وى به‌رچاڤگرى، ديسا هه‌كه وه‌كاله‌تده‌رى تو كريه وه‌كيلێ خۆ بفرۆشى نابيت بۆ خۆ راكه‌ى، ئيمام مالك ب مه‌رجه‌كى دورست دكه‌ت هه‌كه ژ بهايێ وێ زێده‌تر پێ دا و ئه‌ڤه يا ئاشكرا بيت؛ چونكى هه‌كه بۆ خۆ راكه‌ت دێ يێ هشيار بيت مفايى بگه‌هينيته خۆ و وى تو يێ كريه وه‌كيل يێ رژد و هشياربى مفايى بگه‌هينيه وى نه خۆ، و خودێ چێتر دزانيت.
