به‌رسڤێت شه‌رعى ل دۆر هه‌ڤكارى و بازرگانيێ

ب / مه‌ دوو ره‌نگێت وه‌كاله‌تێ يێت هه‌ين، وه‌كاله‌تا هه‌روه‌ و خۆ به‌خش و بێ به‌رامبه‌ر، د ڤێ وه‌كاله‌تێدا ماده‌م ئه‌و پێ رازى بوويه‌ نابيت ئه‌و چو به‌رامبه‌ر ڤێ وه‌كاله‌تا خۆ راكه‌ت، به‌لێ هه‌كه‌ يا ب مه‌رج بيت چ كوژمه‌كێ ئاشكرا بيت يان رێژه‌كا ئاشكرا بيت دورسته‌ ئه‌و به‌رامبه‌ر ڤێ وه‌كاله‌تێ وێ قه‌ده‌را پێكهاتن ل سه‌ر هاتيه‌كرن، ئه‌و به‌رامبه‌ر وه‌كاله‌تا خۆ راكه‌ت، و چو گونه‌ه تێدا نينه‌، ڤێجا فه‌ره‌ ده‌ستپێكێ ئه‌م رۆنكه‌ين كا ئه‌ڤه‌ چ وه‌كاله‌ته‌ يا ب به‌رامبه‌ره‌ يان يا بێ به‌رامبه‌ره‌، چ ئه‌و بيت يان ئه‌و بيت دڤێت وه‌كيل د خێرا وه‌كاله‌تده‌ريدا كاركه‌ت، و ل سه‌ر مفايآ وى يێ رژد و هشيار بيت، و سستيێ نه‌كه‌ت، و هه‌ر سستيه‌كا كر خيانه‌ته‌، و خودێ چێتر دزانيت.