به‌رسڤێت شه‌رعى ل دۆر هه‌ڤكارى و بازرگانيێ

ب: بریكاریا ئێكانه‌ ئه‌وه:‌ پێكهاتن د ناڤبه‌را دوو سه‌راندا چێ ببت ئێك ژ وان ببیته‌ بریكارێ یێ دی یێ ئیكانه،‌ و ب رێكا وی ب تنێ تشێ وی بێته‌ فرۆتن، و نا بیت جهه‌كێ سنوردایدا (چ شار و چ ده‌وله‌ت و چ هه‌رێم بیت) ئه‌و بریكاریێ ب ده‌نه‌ كه‌سه‌كێ دی، و متا یێ وان نه‌ هێته‌ وی جهی ب رێكا وی تنێ نه‌بیت، ئابورزانێت مه‌ دبێژن ئه‌ڤ هه‌ڤكاریه‌ (ته‌عاموله‌) یا دورسته،‌ ب مه‌رجه‌كێ بریكار‌ نرخی زێده‌ ل سه‌رخه‌لكی گران نه‌كه‌ت و دشیانێت واندا بیت وان متایان بكرن نه‌خاسمه‌ هه‌كه‌ ژ پێدڤیێت ژیانێ بن، و دڤێت هه‌ردوو سه‌ر پێگریێ ب گرێبه‌ستا خۆ بكه‌ن و نه‌شكێنن، و هه‌كه‌ ئێكی ئه‌و متا بۆ خۆ ژ ده‌رڤه‌ ئینان نه‌ یێ گونه‌هكاره‌ چونكه‌ نابیت ل‌ سه‌ر بێته‌ دانان دڤێت ژ وی تنێ بكرن و بۆ كومپانیێ ژی نه‌ شكاندنا گرێبه‌ستێیه‌ هه‌كه‌ ده‌رڤه‌ی توخێبیت وی بریكاری بفروشیت و ئه‌و بۆ خۆ ب رێكه‌كێ بیننه‌ وی جهێ بریكار لێ هه‌ی.