ب / نه هه‌ر سوينده‌كا بێته خوارن كه‌فارت ل سه‌ره، هه‌كه سويند ل سه‌ر تشته‌كێ بۆرى هاته خوارن و مسۆگه‌ر دزانيت وه‌سا نينه دگه‌ل هندێ ژى سويند خوار ئه‌ڤه گونه‌هه‌كا مه‌زن كر و ئه‌ڤ گونه‌هه ژ كه‌بائيرانه، دبێژنه ڤێ سويندێ سويندا غه‌موس، و پێغه‌مبه‌رآ خودێ (سلاڤێت خودێ لێ بن) دگه‌ل هه‌ڤپشكچێكرنێ و دلهێلانا ده‌يبابان و كوشتنێ دانايه، دبێژيت: ((الْكبائرُ: الإِشْراكُ بِاللَّه، وعقُوق الْوالِديْنِ، وقَتْلُ النَّفْسِ، والْيمِينُ الْغَموس)) ئانكو گونه‌هێت مه‌زن: هه‌ڤپشكچێكرنه دگه‌ل خودێ و دلهێلانا ده‌يبابانه، و كوشتنا مرۆڤيه و سويندا ژ دره‌وه. و دبێژنێ سويندا غه‌مووس چونكى خودانێ خۆ د گونه‌هێدا دبه‌ته خوارێ، و جمهورێ زانا دبێژن: ژبه‌ر مه‌زناتيا گونه‌ها ڤێ سويندێ كه‌فاره‌تا خۆ نينه، هه‌رچه‌نده ئيمام شافعى (خودێ ژێ رازى بيت) دبێژيت: ڤێ سويندێ ژى كه‌فاره يا بۆ هه‌ى وه‌كى سويندێت دى، به‌لێ هه‌كه سويند ل سه‌ر تشته‌كێ ئاينده خوار ل سه‌ر بنياتێ هنده زانياريان و هزر دكر دێ وه‌سا ده‌ركه‌ڤيت و ژبه‌ر هنده ئه‌گه‌ران وه‌سا نه‌ده‌ركه‌فت.. ئه‌ڤێ سويندێ كه‌فاره‌ت سه‌ر نينه چونكى ده‌مێ سويند خوارى مه‌خسه‌دا وى سويندا دره‌و نه‌بوو، و سويندا خۆ ل سه‌ر هنده زانياريان ئاڤاكربى ژبه‌ر هندێ هزردكر و يێ پشت راست بوو دێ وه‌سا چێبيت و وه‌سا چێ نه‌بوو، و خودێ چێتر دزانيت.
