ب/ نه‌هيا هاتيه‌كرن ژ سويندخوارنێ ب هه‌ر چێكريه‌كێ هه‌بيت وه‌كى پێغه‌مبه‌رى و ملياكه‌تان و عه‌سمانى و ب باب و باپيران و ب ژيان و گيان و جان و سه‌رى و نيعمه‌تێت حاكمى و ئاخا بێڤانى و ب ئه‌مانه‌تى و يێ سويند بخۆت دڤێت سويندێ ب خودێ و ناڤێت وى و ب سالۆخه‌تێت وى ب تنێ بخۆت، و هه‌ركه‌سێ سويندێ ب تشته‌كێ دى بخۆت پێغه‌مبه‌ر بيت، ملياكه‌ت بيت، گۆرێ بێڤاني بيت، ب سه‌رێ خۆ بيت، ب سه‌رێ ده‌يبابان بيت، ب سه‌رێ هه‌ركه‌سآ هه‌بيت، ب گيان و جانێ فلانى و بێڤانى بيت نه‌دورسته و حه‌رامه و دڤێت ل خۆ بزڤريت و تۆبه بكه‌ت. پێغه‌مبه‌ر (سلاڤێت خودێ لێ بن) هه‌روه‌كى بوخارى و موسلم ژ ئبن عومه‌رى ڤه‌دگوهێزن، دبێژيت: (إِنَّ اللَّه تَعالى ينْهَاكُمْ أَنْ تَحْلِفُوا بابائِكُمْ، فَمَنْ كَانَ حَالِفاً، فلْيحْلِفْ بِاللَّهِ، أَوْ لِيصْمُتْ) ب راستى خودايێ مه‌زن نه‌هيا هه‌وه دكه‌ت هوين ب بابێت خۆ سويند بخۆن، هه‌ركه‌سێ سويند خوار بلا ب خودێ سويند بخۆت يان خۆ بێ ده‌نگ بكه‌ت. و د ريوايه‌ته‌كا ديدا يا د سه‌حيحێدا دبێژيت: ((هه‌ركه‌سێ سويند خوار بلا ژ خودێ پێڤه‌تر سويند نه‌خۆت يان خۆ بێ ده‌نگ بكه‌ت)). ڤێجا هه‌تا كه‌نگى ئه‌م دێ ب بابێت خۆ سويند خوين و ئه‌ڤ ئه‌مره هۆسا يێ ئاشكرا، ديسا پێغه‌مبه‌رێ خودێ (سلاڤێت خودێ لێ بن) د ڤه‌گێرا موسلميدا ژ ئبن سه‌موره (خودێ ژێ رازى بيت) دبێژيت: (لا تحْلِفوا بِالطواغِي، ولا بابائِكُمْ) نه ب بوتان (سه‌نه‌مان) نه ب بابێت خۆ سويند نه‌خۆن. ديسا ئه‌بو داوود ژ بوره‌يده (خودێ ژێ رازى بيت) ڤه‌دگێريت دبێژيت پێغه‌مبه‌رى (سلاڤێت خودێ لێ بن) گۆت: (من حلَف بِالأَمانَه فليْس مِنا) نه ژ مه‌يه يێ ب ئه‌مانه‌تى (ب رامانا گشتى) سويند بخۆت. (چونكى ئه‌مانه‌ت فه‌رزه‌كه ژ فه‌رزان وه‌كى نڤێژێ يان زه‌كاتێ و...هتد نابيت بلند ببنه رێزا خودێ و سويند پێ بێنه خوارن). و ژ ئبن عومه‌رى، خودێ ژ هه‌ردوويان رازى بيت، وى گول زه‌لامه‌كى بوو دگۆت: نه، ئه‌ز ب كه‌عبێ كه‌مه.. ئبن عومه‌رى (خودێ ژێ رازى بيت) گۆتێ: ب غه‌يرى خودێ سويند نه‌خۆ، ب راستى من گول پێغه‌مبه‌رێ خودێ بوو (سلاڤێت خودێ لێ بن) گۆت: هه‌ركه‌سێ نه ب خودێ سويند خوار ئه‌و گاور بوو يان هه‌ڤپشك چێكر. زانا دبێژن: گاور بوو يان هه‌ڤپشك چێكر، بۆ دياركرنا مه‌زناتيا گونه‌هێيه هه‌روه‌كى پێغه‌مبه‌رێ خودێ (سلاڤێت خودێ لێ بن) گۆتى: رويمه‌تى شيركه. و هه‌كه ب خه‌له‌تيڤه ئێكى سويند ب غه‌يرى خودێ خوار دڤێت بێژيت: (لا إله إلا الله وحده لا شريك له، له الملك وله الحمد وهو على كل شيء قدير) و سه‌رملێ خۆ يێ چه‌پێ سێ جاران تفكه‌ت و بێژيت: (اعوذ بالله من الشيطان الرجيم)، و خودێ چێتر دزانيت.
