به‌رسڤێت شه‌رعى ل دۆر سويند و نه‌زران

ب / ئه‌ڤه‌ كاره‌كێ نه‌يێ جوانه‌ و نه‌خۆش سوينده‌، و دڤێت موسلماني هه‌كه‌ سويند خوار بلا ب خودێ سويند بخۆت يان خۆ بێ ده‌نگ بكه‌ت، هه‌روه‌كى ئه‌ڤه‌ د حه‌ديسا پێغه‌مبه‌ريدا (سلاڤێت خودێ لێ بن) هاتى، دبێژيت: ((هه‌ركه‌سێ سويند خوار بلا ب خودێ پێڤه‌تر سويند نه‌خۆت يان خۆ بێ ده‌نگ بكه‌ت))، و هه‌كه‌ ئه‌ڤ سويندێت سه‌رى خوارن پێ نابيته‌ گاور و ژ دينێ خۆ ناده‌ركه‌ڤيت، به‌لێ ل سه‌ر بۆچۆنا حه‌نه‌فى و حه‌نبه‌ليان دڤێت كه‌فاره‌تا سويندێ بده‌ت، و ئبن ته‌يميه‌ ڤێ بۆچۆنێ چێتر ددانيت، و خودێ چێتر دزانيت.