ب / فه‌ره ئه‌م بزانين سويندخوارن چيه، و بۆ چ سويند دهێته خوارن. سويند ب خودێ ئانكو: ئه‌ز خودێ دكه‌مه شاهد ل سه‌ر ڤى كارى، دێ بێژى ئه‌ز ئه‌ڤرۆ چۆمه باژێرى دێ ئێك بێژيته ته: راست؟! دێ بێژى ب خودێ، ئانكو: خودێ شاهده ئه‌ز يێ راستم، ڤێجا يێ ب دورستى خودێ مه‌زن بپه‌رێسيت و عه‌بدينيا وى بكه‌ت و مه‌زناتيا خودێ ب دورستى بزانيت، ئه‌و خودێ ل سه‌ر هه‌مى كاران ناكه‌ته شاهد، و گه‌له‌ك سويندان ناخۆت، و ب راستى يێ گه‌له‌ك سويند خوارن ،سويندێ جهێ خۆ يێ هه‌ژى د دلێ ويدا نامينيت، و سويند ل ده‌ف وى بێ بها دبيت، و دبيت ئه‌ڤه دێ وى كێشيته سويندخوارنا ب دره‌و، و ديسا گه‌له‌ك سويندخوارن دبيته ئه‌گه‌رێ مه‌زناتيا خودێ ل ده‌ف مرۆڤى وه‌كى هه‌ژى نه‌مينيت، و سستى د ده‌رهه‌قێ ناڤ و سالۆخه‌تێت ويدا بێته‌كرن، و هنده ته‌فسيرزان دبێژن ئه‌ڤ ئايه‌ته ((وَلَا تُطِعْ كُلَّ حَلَّافٍ مَّهِينٍ )) به‌لگه‌يه ل سه‌ر نه‌باشيا زێده سويندخوارنێ خۆ هه‌كه يێ راست ژى بيت ،و يێ زێده سويند خوارن، نه‌شێت به‌رده‌وام بپارێزيت دێ كه‌ڤيته ته‌نگاڤياندا، و خودێ مه‌زن ئه‌مرێ مه يێ كرى ئه‌م سويندێت خۆ بپارێزين، دبێژيت: ((وَاحْفَظُوا أَيْمَانَكُمْ)) ئانكو: سويندێت خۆ بپارێزن، يێ گه‌له‌ك سويند خوار ب زه‌حمه‌ت بشێت بپارێزيت.
هاتيه ڤه‌گوهاستن ئيمام ئه‌بو حه‌نيفه (خودێ ژێ رازى بيت) ل سه‌ر خۆ دانابوو ديناره‌كێ سه‌ده‌قه بده‌ت و بكه‌ته خێر هه‌ر جاره‌كا سوينده‌ك د كرين و فرۆتنێدا خوار خۆ يێ راست ژى بيت، و خودێ چێتر دزانيت.
