ب / هه‌كه وى سويند ل سه‌ر تشته‌كي خواريه هێژ چێ نه‌بوويه و ل ده‌ف وى وه‌كى ئه‌و تێ دگه‌هيت ئه‌و تشت هه‌ر دێ چێ بيت و سويند ل سه‌ر خوار ئه‌ڤ تشته دێ بيت و وه‌سا نه‌هات.. هينگێ ئه‌و چو كه‌فاره‌تان ناده‌ت، و نه‌يێ گونه‌هكاره؛ چونكى ئه‌و نك خۆ يێ پشت راست بوو، ئه‌و تشت دێ وه‌سا ئێت، وه‌كى وى هزركر ژبه‌ر هندێ سويند خوار. به‌لێ هه‌كه سويندێ ل سه‌ر تشته‌كێ بۆرى بخۆت و ئه‌و يێ مسۆگه‌ر بيت دره‌و يێ سويند دخۆت ئه‌و يێ گونه‌هكاره و ئه‌ڤ گونه‌هه ژ گونه‌هێت مه‌زنه و زانا دبێژنه ڤێ سويندێ سويندا مرۆڤى د گونه‌هێدا دبه‌ته خوارێ چونكى وى سويند ل سه‌ر تشته‌كێ بۆرى خوار، و هه‌ر ده‌ستپێكێ دزانى ئه‌و ب دره‌وڤه يێ سويند دخۆت. و گونه‌ها ڤێ سويندێ هندا مه‌زنه هه‌تا جمهورێ زانايان دبێژن چو كه‌فاره‌ت فايده‌ى ڤێ گونه‌هێ ناكه‌ت. به‌لێ ئيمامێ شافعى دبێژيت: دڤێت دگه‌ل ته‌وبێ خودانێ ڤێ سويندێ كه‌فاره‌تێ ژى بده‌ت، و خودێ چێتر دزانيت.
