ب / ئه‌و يێ گونه‌هه‌كا مه‌زن دكه‌ت، جاره‌كێ دره‌و كر و مرۆڤێ موسلمان دره‌وێ ناكه‌ت، چونكي پسيار ژ پێغه‌مبه‌رى (سلاڤێت خودێ لێ بن) هاته كرن، گۆتێ: موسلمان دره‌وێ دكه‌ت؟ كۆت: ((نه ))، د سه‌ر دره‌وێرا ژى خودێ ل سه‌ر كره شاهد و سويند خوار و هۆسا ئه‌ڤه وى دوو گونه‌هـ سه‌رێك كرن ژبه‌ر هندێ ئه‌ڤ گونه‌هه ژ كه‌بائيرانه و دبێژنه ڤێ سويندێ سويندا غه‌مووس و پێغه‌مبه‌رێ خودێ (سلاڤێت خودێ لێ بن) دگه‌ل هه‌ڤپشكچێكرنێ و دلهێلانا ده‌يبابان و كوشتنێ دانايه، دبێژيت: (الْكبائرُ: الإِشْراكُ بِاللَّه، وعقُوق الْوالِديْنِ، وقَتْلُ النَّفْسِ، والْيمِينُ الْغَموس) ئانكو گونه‌هێت مه‌زن: هه‌ڤپشكچێكرنه دگه‌ل خودێ و دلهێلانا ده‌يبابانه، و كوشتنا مرۆڤيه و سويندا ژ دره‌وه. و دبێژنێ سويندا غه‌مووس چونكى خودانێ خۆ د گونه‌هێدا دبه‌ته خوارێ، و جمهورێ زانا دبێژن: ژبه‌ر مه‌زناتيا گونه‌ها ڤێ سويندێ كه‌فاره‌تا خۆ نينه، هه‌رچه‌نده ئيمام شافعى (خودێ ژێ رازى بيت) دبێژيت: ڤێ سويندێ ژى كه‌فاره‌ت يا بۆ هه‌ى وه‌كى سويندێت دى، و خودێ چێتر دزانيت.
