ب / بازرگانێ تێگه‌هشتى و ديندار سويندێ نائينيته د ناف بازاراێ خۆدا، و دزانيت خودێ ژ هندێ مه‌زنتره ئه‌و بينيته د ناف كارێ خۆ يێ دنيايێدا، هه‌كه يێ راست بيت خۆ ژ سويندخوارنێ دپارێزيت و دده‌ته پاش پا چاوا دێ ب دره‌وڤه سويندێ ل سه‌ر بازارى خۆت، و ئه‌و دزانيت كا پێغه‌مبه‌رێ خۆشتڤى (سلاڤێت خودێ لێ بن) د راستا ويدا يێ ب سويندێت دره‌و متايێ خۆ دمه‌زێخيت چ دبێژيت.. ئه‌بو زه‌رِ (خودێ ژێ رازى بيت) دبێژيت: پێغه‌مبه‌رێ خودێ (سلاڤێت خودێ لێ بن) دبێژيت: سێ كه‌سان خودێ رۆژا قيامه‌تێ ئاخفتنا دلۆڤانيێ و رازيبوونێ دگه‌ل نائاخڤيت، و گونه‌هێت وان ژێ نابه‌ت، و كارێت وان قه‌بويل ناكه‌ت، و ب چاڤێ دلۆڤانيێ به‌رێ خۆ ناده‌تێ، و ئيزايه‌كا گران بۆ وانه.. پێغه‌مبه‌رێ خودێ (سلاڤێت خودێ لێ بن) سێ جاران دوباره‌كر، ئه‌بو زه‌رى گۆت: ئه‌و خوساره‌ت بوون و زيان كه‌فتن، ئه‌و كينه يا پێغه‌مبه‌رێ خودێ؟! گۆت: ((يێ ژ خۆمه‌زنكرن جلكێ خۆ شۆرِ دكه‌ت، و يێ قه‌نجيا خۆ دكه‌ته منه‌ت، و يێ تشتێ خۆ ب سويندێت دره‌و دفرۆشيت. به‌رێ خۆ بدێ كا يێ سيێ كيه ئه‌وێ ئه‌ڤ ئيزا و نه‌خۆشيا گران بۆ هه‌ي: ئێك: خودێ رۆژا قيامه‌تێ ئاخفتنا دلۆڤانيێ و رازيبوونێ دگه‌ل نائاخڤيت و ب چاڤێ دلۆڤانيێ به‌رێ خۆ ناده‌تێ، ئه‌رێ ما ئه‌ڤه يا كێمه؟! دوو: گونه‌هێت وان ژێ نابه‌ت، و كارێت وان قه‌بويل ناكه‌ت، يا ستار ئێك ژ ئێكێ مه‌زنتره خودێ مه ژێ بپارێزيت، سێ: و ئيزايه‌كا گران بۆ وانه. ئه‌ڤ ئيزا و سزايه بۆ كێيه؟ بۆ ويه، يێ تشتێ خۆ ب سويندێت دره‌و دفرۆشيت. ئه‌ز ب خودێ كه‌مه ئه‌بو زه‌رِ گه‌له‌ك و گه‌له‌كێ مافداربوو ده‌مێ گوه ل ڤێ ئيزايێ بووى بێژيت: ئه‌و خوساره‌ت بوون و زيان كه‌فتن، ئه‌و كينه يا پێغه‌مبه‌رێ خودێ؟ و بۆچى پێغه‌مبه‌رى (سلاڤێت خودێ لێ بن) سێ جاران دوباره‌كه‌ر؟ سێ كه‌سان خودێ رۆژا قيامه‌تێ ئاخفتنا دلۆڤانى و رازيبوونێ دگه‌ل نائاخڤيت، و گونه‌هێت وان ژێ نابه‌ت و كارێت وان قه‌بويل ناكه‌ت، و ب چاڤێ دلۆڤانيێ به‌رێ خۆ ناده‌تێ، و ئيزايه‌كا گران بۆ وانه. سێ كه‌سان خودێ رۆژا قيامه‌تێ ئاخفتنا دلۆڤانى و رازيبوونێ دگه‌ل نائاخڤيت، و گونه‌هێت وان ژێ نابه‌ت و كارێت وان قه‌بويل ناكه‌ت، و ب چاڤێ دلۆڤانيێ به‌رێ خۆ ناده‌تێ، و ئيزايه‌كا گران بۆ وانه. سێ كه‌سان خودێ رۆژا قيامه‌تێ ئاخفتنا دلۆڤانى و رازيبوونێ دگه‌ل نائاخڤيت، و گونه‌هێت وان ژێ نابه‌ت و كارێت وان قه‌بويل ناكه‌ت، و ب چاڤێ دلۆڤانيێ به‌رێ خۆ ناده‌تێ، و ئيزايه‌كا گران بۆ وانه. دا مه باش و باش ئاگه‌ه ژ خۆ هه‌بيت و ل خۆ بزڤرين و دويرى ڤان ره‌وش و ساخله‌تان بين، راسته سويند ب دره‌و دێ كريارێ زێده‌كه‌ت، به‌لێ چ ل به‌ره‌كه‌تێ دكه‌ت؟! پێغه‌مبه‌ر (سلاڤێت خودێ لێ بن) هه‌روه‌كى بوخارى و موسلمي بۆ مه ڤه‌گێرايى، دبێژيت: ((سويند، متا سه‌رفكه‌ره، و به‌ره‌كه‌ت نه‌هێله بۆ فايده‌ى)). و د ريوايه‌ته‌كا ديدا هه‌روه‌كى موسلمى ڤه‌گێراى، دبێژيت: ((هشياربن گه‌له‌ك سويندا د كرِين و فرۆتنێدا نه‌خۆن، ب راستى ئه‌و سه‌رف دكه‌ت پاشى به‌ره‌كه‌تێ دبه‌ت))، و خودێ چێتر دزانيت.
