ب / ب راستى وى دوو گونه‌ه كرن، مالێ غه‌يرى خۆ ژ نه‌هه‌قي كه‌هانده خۆ و ژ ده‌ره‌و سويند ل سه‌ر ڤێ چه‌ندێ خوار و خودێ ل سه‌ر دره‌وێ و خوارنا مالێ ئێكێ دى كره شاهد و هۆسا وى گونه‌هه‌كا مه‌زن كر. پێغه‌مبه‌رێ خودێ (سلاڤێت خودێ لێ بن) هه‌روه‌كى بوخارى و موسلم ژ ئبن مه‌سعودى (خودێ ژێ رازى بيت) ڤه‌دگێرن، دبێژيت: پێغه‌مبه‌رێ خودێ (سلاڤێت خودێ لێ بن) گۆت: ((هه‌ركه‌سێ سويند ژ نه‌هه‌قى خوار دا مالێ موسلمانه‌كى بۆ خۆ بێخيت، دێ گه‌هيته خودێ و ئه‌و يێ ژێ نه‌رازى)). گۆت: پاشى پێغه‌مبه‌رێ خودێ (سلاڤێت خودێ لێ بن) راستيا خۆ ژ كتێبا خودێ خواند: ((إِنَّ الَّذِينَ يَشْتَرُونَ بِعَهْدِ اللَّهِ وَأَيْمَانِهِمْ ثَمَنًا قَلِيلًا أُولَٰئِكَ لَا خَلَاقَ لَهُمْ فِي الْآخِرَةِ وَلَا يُكَلِّمُهُمُ اللَّهُ وَلَا يَنظُرُ إِلَيْهِمْ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ )) ب راستى ئه‌و كه‌سێت سۆز و په‌يمان داينه خودێ و سويندێت خۆ ئه‌رزان دفرۆشن، ڤان چو بار و پشك د ئاخره‌تێدا نينه، و خودێ ب دلۆڤانى وان نائاخێڤيت، و رۆژا قيامه‌تێ به‌رێ خۆ ناده‌ته وان، و گونه‌هێت وان ژێ نابه‌ت، و ئيزايه‌كا دژوار دێ ده‌ته به‌ر وان. و د حه‌ديسه‌كا ديدا ژ ڤه‌گێرانا موسلمي پێغه‌مبه‌ر (سلاڤێت خودێ لێ بن) دبێژيت: (منِ اقْتَطعَ حَقَّ امْرِيءٍ مسْلِمٍ بِيمِينِهِ، فَقَدْ أَوْجَب اللَّه لَهُ النَّارَ. وحرَّم عَلَيْهِ الْجـنَّة» فَقالَ لَهُ رَجُلٌ: وإِنْ كَانَ شَيْئاً يسِيراً يا رسُولَ اللَّهِ ؟ قَالَ: وَإِنْ كان قَضيباً مِنْ أَراكٍ) هه‌ركه‌سێ حه‌قێ مرۆڤه‌كى ب سويندخوارنا خۆ بۆ خۆ بێخيت، ب راستى خودێ جه‌هنه‌م بۆ وى پێدڤى كريه، و به‌حه‌شت ل سه‌ر حه‌رام كريه، زه‌لامه‌كى گۆت: خۆ هه‌كه تشته‌كێ كێم ژى بيت يا پێغه‌مبه‌رێ خودێ؟! گۆت: خۆ هه‌كه داركه‌كێ سيواكێ بيت، و خودێ چێتر دزانيت.
