ب / ئه‌ڤه كاره‌كێ خه‌له‌ته و نه‌يێ دورستى ئه‌م د فه‌رمانكرينه هه‌رتشتێ هه‌بيت پێغه‌مبه‌رى (سلاڤێت خودێ لێ بن) نه‌هايا مه ژێ كربيت ئه‌م خۆ ژێ بده‌ينه پاش، خودێ مه‌زن دبێژيت: (وَمَا آتَاكُمُ الرَّسُولُ فَخُذوهُ وَمَا نَهَاكُمْ عَنْهُ فَانْتَهُوا) و چ ئه‌مرێ پێغه‌مبه‌رى ل هه‌وه كر بكه‌ن، و نه‌هيا هه‌وه ژ چ كر خۆ ژێ بده‌نه پاش. به‌رێ خۆ بدێ ل دۆر سويندخوارنێ ب بابان كا عومه‌رێ كورێ خه‌تابى (خودێ ژێ رازى بيت) چ دبێژيت، ئبن عومه‌ر (خودێ ژێ رازى بيت) دبێژيت: من گول عومه‌رى بوو گۆت: پێغه‌مبه‌رى (سلاڤێت خودێ لێ بن) گۆته من: (إِنَّ اللَّهَ ينْهَاكُمْ أَنْ تَحْلِفُوا بِآبَائِكُمْ ) ب راستى خودێ مه‌زن نه‌هيا هه‌وه دكه‌ت هوين ب بابێت خۆ سويند بخۆن. و عومه‌رى (خودێ ژێ رازى بيت) گۆت: (فَوَاللَّهِ ما حَلَفْتُ بها مُنْذ سمعت النبي (سلاڤێت خودێ لێ بن) ذاكِرًا ولا آثرًا) ئه‌ز ب خودێ كه‌مه ئه‌وه من ئه‌ڤه ژ پێغه‌مبه‌رى (سلاڤێت خودێ لێ بن) گولێ بووى من ب بابان سويند نه‌خواريه نه ب ئه‌زمانێ خۆ و نه ب ڤه‌گوهاستن، و خودێ چێتر دزانيت.
