ب / هه‌كه كه‌س وى نه‌ده‌ته سويندێ و كه‌س ژێ نه‌خوازيت سويند بخۆت، سويند دويف ئنيه‌تا ويه، كا وى چ ئنيه‌ت ئينايه د دلێ خۆدا دێ سويندا وى بۆ وى تشتى چيت، به‌لێ هه‌كه ژێ هاته خواستن سويندێ بخۆت چ ژ لايێ دادوه‌ريڤه، يان ژ لايێ هه‌ركه‌سه‌كێ هه‌بيتڤه، سويندا وى دويف ئنيه‌تا ويه يێ دايه سويندێ، و سويند خواستى، هه‌رچه‌نده ئيمامێ نه‌وه‌وى (خودێ ژێ رازى بيت) دبێژيت: د هه‌مى كراساندا سويند دويف ئنيه‌تا سويندخۆريه ژبلى هه‌كه سويندخواز دادوه‌ر بيت يان جێگرێ وى، به‌لێ بۆچۆنا به‌لگه شاده‌ييێ بۆ دده‌ت ئه‌ڤه‌يه هه‌كه وى سويند خوار بێى كو ئێك ژێ بخوازيت دويف ئنيه‌تا ويه، به‌لێ هه‌كه ژێ هاته خواستن ب لايێ كێڤه‌بيت دويف ئنيه‌تا داخوازكه‌ريه، ئه‌بو هوره‌يره (خودێ ژێ رازى بيت) د ڤه‌گێرا موسلمى و ئه‌بو داوود و ترمزيدا دبێژيت: (الْيمِينُ على نِيه الْمُسْتَحْلِفِ) و سويند ل دويف ئنيه‌تا سويندخوازيه و د ڤه‌گێره‌كا ديدا هاتيه (يمِينُكَ على ما يُصَدِّقُكَ عليه صَاحِبُكَ) سويندا ته دويف وێيه يا هه‌ڤالێ ته پێ باوه‌ر ژ ته بكه‌ت، و خودێ چێتر دزانيت.
