ب / پێدڤيه هه‌ركه‌سێ نه‌زره‌ك ل سه‌ر خۆ ئێخست وى نه‌زرى كا چاوا ئنيه‌تا خۆ ئينايه و كا چ كريه ئنيه‌تا خۆ وه‌سا نه‌زرێ خۆ ب جه بينيت، و ئه‌ڤه واجبه، و هه‌كه نه‌كر يێ گونه‌هكاره، چونكى پێغه‌مبه‌رێ خۆشتڤى دبێژيت: ((هه‌ركه‌سێ نه‌زر كر گوهداريا خودێ بكه‌ت، بلا گوهداريا وى بكه‌ت، و هه‌ركه‌سێ نه‌زر كر نه‌گوهداريا خودێ بكه‌ت، بلا نه‌گوهداريا وى نه‌كه‌ت)) و ئه‌و نه‌زرێ ته ئێخستيه سه‌ر خۆ گوهداريا خودێيه گونه‌ه تێدا نينه، ژبه‌ر هندێ دڤێت تو وى نه‌زرى بده‌ى و دڤێت تو هزرێت خۆ كۆمكه‌ى و باش هزرا خۆ بكه‌ى تو بزانى كا ته چ نه‌زر ئێخستيه سه‌ر خۆ سه‌ر يان مه‌وليد و كه‌س ژ ته چێتر نوزانيت و كه‌س ژ ته باشتر نوزانيت، و هه‌كه تو دوودل ماى د ناڤبه‌را سه‌ر و مه‌وليدێدا كا پتر دلێ ته ل سه‌ر چيه وێ بكه و نه‌درێ ته ئه‌وه و مه‌وليد مه‌رج نينه خه‌لكه‌كێ گه‌له‌ك زێده كۆم ببن، دويف شيانێت خۆ كۆمكه ئه‌و شيان دويف عاده‌تى بيت دورسته و نه‌زرێ ته دێ ل سه‌ر ته رابيت، و خودێ چێتر دزانيت.
