ب / د بنياتدا هه‌ركه‌سێ نه‌دره‌ك ل سه‌ر خۆ ئێخست، چ بيت دڤێت وى بده‌ت، و چاوا ل سه‌ر خۆ ئێخستيه، دڤێت وه‌سا بده‌ت، و ل سه‌ر خۆ ئێخستيه ل كێرێ بده‌ت دڤێت ل وێرێ بده‌ت، به‌لگه‌يێ ڤێ چه‌ندێ حه‌ديسا ئبن حه‌بانه ژ عه‌بدوللايێ كورێ بوريده‌ى (خودێ ژێ رازى بيت) ڤه‌گێرايى دبێژيت: ژنه‌كێ ـ پشتى پێغه‌مبه‌ر (سلاڤێت خودێ لێ بن) ژ غه‌زوه‌كا خۆ زڤري ـ گۆته پێغه‌مبه‌رى: يا پێغه‌مبه‌رێ خودێ.. من يا ل سه‌ر خۆ نه‌دركرى هه‌كه خودێ تو ب سلامه‌تى ڤه‌گێراندى ئه‌ز ده‌فێ ل هنداڤ سه‌رێ ته لێ بده‌م، پێغه‌مبه‌رى (سلاڤێت خودێ لێ بن) گۆتآ هه‌كه ته نه‌در كربيت بكه و هه‌كه نه.. نه، گۆت: ب راستى من يا نه‌دركرى، ئينا پێغه‌مبه‌ر (سلاڤێت خودێ لێ بن) روينشته خوارێ وێ ده‌ف لێدا و پێغه‌مبه‌رى (سلاڤێت خودێ لێ بن) نه‌گۆتآ هه‌ما ل جهێ خۆ ل ده‌فێ بده پێدڤى ناكه‌ت بێيه هنداڤ سه‌رێ من.
عه‌بدوللايێ كورێ بوره‌يده (خودێ ژێ رازى بيت) ژ بابێ خۆ دبێژيت: (رَجَعَ رَسُولُ اللَّهِ (سلاڤێت خودێ لێ بن) مِنْ بَعْض مَغَازِيهِ فَجَاءَتْ جَارِيه سَوْدَاءُ فَقَالَتْ يا رَسُولَ اللَّهِ إِنِّي نَذرْتُ إِنْ رَدَّكَ اللَّهُ سَالِمًا أَنْ أَضرِبَ عَلَى رَأْسِكَ بِالدُّفِّ فَقَالَ رَسُولُ اللَّهِ (سلاڤێت خودێ لێ بن) إِنْ نَذرْتِ فَافْعَلِي وَإِلا فَلا قَالَتْ إِنِّي كُنْتُ نَذرْتُ فَقَعَدَ رَسُولُ اللَّهِ (سلاڤێت خودێ لێ بن) فَضرَبَتْ بِالدُّفِّ) ڤێجا دڤێت نه‌در و ب ره‌نگ و ره‌وشا هاتيه نه‌دركرن بێته دان. ئيمام بوخارى ژ ده‌يكا مه عائيشايێ (خودێ ژێ رازى بيت) ڤه‌دگێريت، دبێژيت: پێغه‌مبه‌رى (سلاڤێت خودێ لێ بن) گۆت: (مَنْ نَذرَ أن يُطيع اللَّه فَلْيُطعْهُ، ومَنْ نَذرَ أنْ يعْصِي اللَّه، فلا يعْصِهِ) هه‌ركه‌سێ نه‌زر كر گوهداريا خودێ بكه‌ت، بلا گوهداريا وى بكه‌ت، و يێ نه‌زر كر نه‌گوهداريا خودێ بكه‌ت، بلا نه‌گوهداريا وى نه‌كه‌ت.
به‌لێ ئه‌رێ دورسته پاره و بها شوينا نه‌درى بێته دان؟! جمهورێ زانايان دبێژن: نه‌خێر، چ كريه نه‌در دڤێت ئه‌و بێته دان و نابيت پاره بهايێ نه‌درى بێته دان، به‌لێ ل ده‌ف حه‌نه‌فيان دورسته پاره شوينا نه‌دري بێته دان و نه‌در بێته بهاكرن و بها بێته دان، و ئه‌ز دبينم هه‌كه ئه‌و تشتێ مرۆڤى ل سه‌ر خۆ كريه نه‌در ب ده‌ست نه‌كه‌ڤيت يان دانا بهاى پتر د خێرا هه‌ژاراندايه مرۆڤ دشێت بۆچۆنا حه‌نه‌فيان وه‌رگريت، و خودێ چێتر دزانيت.
