ب / هه‌ركه‌سێ نه‌دره‌ك كر و گونه‌هـ تێدا نه‌بيت، دڤێت وێ نه‌درێ ب جه بينيت، هه‌روه‌كى ئيمامێ بوخارى (خودێ ژێ رازى بيت) ژ عائيشايێ (خودێ ژێ رازى بيت)، ڤه‌دگێريت دبێژيت: پێغه‌مبه‌رێ خودێ (سلاڤێت خودێ لێ بن) گۆت: ((هه‌ركه‌سێ نه‌زر كر گوهداريا خودێ بكه‌ت، بلا گوهداريا وى بكه‌ت، و هه‌ركه‌سێ نه‌زر كر نه‌گوهداريا خودێ بكه‌ت، بلا نه‌گوهداريا وى نه‌كه‌ت)). دێ كه‌نگى و چاوا و ل كيرێ وى نه‌درى ده‌ت؛ ئه‌و يا ب ئنيه‌تا ويڤه گرێدايه، گاڤا ئه‌و نه‌در ل سه‌ر خۆ ئێخستى، ڤێجا هه‌كه گۆتبيت ل سه‌ر من نه‌در بيت د ڤێ حه‌فتيێدا يان د ڤێ هه‌يڤێدا يان د ڤێ سالێدا دڤێت هنگى و د وى ده‌ميدا بده‌ت، به‌لێ هه‌كه چو ده‌م بۆ نه‌درێ خۆ نه‌دانابن هنگى مه‌رج نينه له‌ز لێ بێته‌كرن، هه‌رچه‌نده ماده‌م نه‌در ده‌ينه و دڤێت بێته دان هنگى هندى مرۆڤ له‌زێ لێ بكه‌ت باشتره، چونكى بوخارى (خودێ ژێ رازى بيت) ژ ئبن عه‌باس خودێ ژ هه‌ردوويان رازى بيت ڤه‌دگێريت: (عن بن عَبَّاسٍ رضي الله عنهما أَنَّ امْرَأَة من جُهَيْنَه جَاءَتْ إلى النبي (سلاڤێت خودێ لێ بن) فقالت إِنَّ أُمِّي نَذرَتْ أَنْ تَحُجَّ فلم تَحُجَّ حتى مَاتَتْ أَفَأَحُجُّ عنها قال نعم حُجِّي عنها أَرَأَيْتِ لو كان على أُمِّكِ دَيْنٌ أَكُنْتِ قاضيته اقْضوا اللَّهَ فَاللَّهُ أَحَقُّ بِالْوَفَاءِ) ئبن عه‌باس خودێ ژ هه‌ردوويان رازى بيت دبێژيت: ژنه‌ك ژ جوهه‌ينيان هاته ده‌ف پێغه‌مبه‌رى (سلاڤێت خودێ لێ بن) گۆت: ده‌يكا من نه‌زر كربوو بچيته حه‌جێ و نه‌چۆ حه‌جێ هه‌تا مرى ئه‌ز پێشڤه بچمه حه‌جێ؟ گۆت: به‌لێ پێشڤه هه‌ره حه‌جێ، باشه هه‌كه ده‌ينه‌ك سه‌ر ده‌يكا ته هه‌با ته پێشڤه نه‌ددا! ده‌ينێ خودێ بده‌ن ئه‌و هه‌ژيتره ده‌ينێ وى بێته‌دان، و خودێ چێتر دزانيت.
