ب / هه‌رتشتێ نێزيكبوون و رازيبوونا خودێ تێدا نه‌بيت نابيته نه‌در هه‌رتشتێ هه‌بيت، و ئه‌و تشتێ نێزيكبوونا خودێ تێدا واجبه پێگرى پێ بێته‌كرن و بێته ب جه ئينان و هه‌رتشته‌كێ خودێ پێ نه‌خۆش ل سه‌ر خۆ كره نه‌در وه‌كى ل سه‌ر خۆ نه‌دركه‌ت نڤێژان نه‌كه‌ت يان ژن ل سه‌ر خۆ نه‌دركه‌ت گوهدانا زه‌لامێ خۆ نه‌كه‌ت.. ئه‌ڤ ره‌نگه نابيت بێته ب جهئينان به‌لكى حه‌رامه ب جه بينيت و كه‌فاره‌ت ژى ل سه‌ر نينه، هه‌رچه‌نده هاتيه گۆتن ب جه نائينيت و دێ كه‌فاره‌تێ ده‌ت دا پاشڤه بچيت چو جارا تشتێ حه‌رام ل سه‌ر خۆ نه‌كه‌ته نه‌زر. بوخارى ژ ده‌يكا مه عائيشايێ (خودێ ژێ رازى بيت) ڤه‌دگێريت، پێغه‌مبه‌رى (سلاڤێت خودێ لێ بن) گۆت: (مَنْ نَذرَ أن يُطيع اللَّه فَلْيُطعْهُ، ومَنْ نَذرَ أنْ يعْصِي اللَّه، فلا يعْصِهِ) هه‌ركه‌سێ نه‌زركر گوهداريا خودێ بكه‌ت، بلا گوهداريا وى بكه‌ت، و هه‌ركه‌سێ نه‌زركر نه‌گوهداريا خودێ بكه‌ت، بلا نه‌گوهداريا وى نه‌كه‌ت، و خودێ چێتر دزانيت.
