به‌رسڤێت شه‌رعى ل دۆر سويند و نه‌زران

ب / ئه‌ڤ ره‌نگێ نه‌زرێ يێ حه‌رامه‌ ب ئيجماعا زانايان، چونكى ئه‌ڤ نه‌زره‌ بۆ به‌نده‌يانه‌ و ئه‌و يێ ل وێ هزرێ ئه‌ڤێ مرى شيانێت هه‌ين و دشێت ب كرياران رابيت، و ئه‌ڤه‌ نه‌يا دورسته‌، به‌لێ هه‌كه‌ بێژيت: يا خودێ ـ و داخوازا خۆ بلند بكه‌ته‌ خودێ ـ نه‌زر بيت ل سه‌ر من هه‌كه‌ نه‌ساخێ من رابيته‌ڤه‌ ئه‌ز خوارنێ بده‌مه‌ هه‌ژارێت به‌رده‌رگه‌هێ بێڤان شێخى يان غه‌وسى يان بێڤان تشتى بۆ ڤێ مزگه‌فتێ بينم ئه‌ڤه‌ دورسته‌ و دڤێت هه‌كه‌ وه‌كى وى ڤيايى چێ بوو ئه‌و نه‌زرێ خۆ بده‌ت دگه‌ل كو دڤێت ئه‌م بزانين ئه‌ڤه‌ نه‌زرێ به‌خيليه‌، و خودێ چێتر دزانيت.