ب : نه‌زر ئه‌وه تۆ تشته‌كێ ل سه‌ر خۆ بدانی و واجب كه‌ی و ئه‌و ب خۆ دبنیاتدا ل سه‌ر ته نه واجبه، وه‌كی تۆ بێژی هنده پاره یان هنده نان یان هنده رۆژی یان سه‌ره‌ك ل سه‌ر من بیت و ئه‌ڤه دوو ره‌نگه مه‌رجداره و بێ مه‌رجه مه‌رجدار ئه‌وه تو وێ واجبكرنێ ب تشته‌كێڤه گرێده‌ی وه‌كی بێژی سه‌ره‌ك ل سه‌ر من بیت یان من سه‌ره‌ك نه‌زر بیت یان سه‌ره‌ك ل سه‌ر من بیت بكه‌مه خێر هه‌كه فلان ناجح بوو یان ب سلامه‌تی رابوو و هوسا ئه‌ڤ ره‌نگه نه‌زره نه‌زرێ قه‌لس و چوریكانه چونكی مه‌رجی ل گه‌ل خودێ دكه‌ت بۆ بكه‌ت هه‌تا ئه‌و ژی بكه‌ت و پێغه‌مبه‌ری سلاڤێت خودێ ل سه‌ربن نه‌هیا ژ ڤی ره‌نگێ نه‌زری كری و ژ نه‌زری به‌خیلان دانایه، و هه‌كه خودێ داخوازا وی ب جھـ ئینا هنگی دڤیت ئه‌و ژی نه‌زرێ خۆ بده‌ت و ب جهـ بینیت، و ره‌نگێ دوویێ ئه‌وه تو بێ مه‌رج بێژی ئه‌ڤ تشته ل سه‌ر من بیت ئه‌ڤ نه‌زره یێ دوسته و یێ موسته‌حه‌به هه‌كه ئه‌و تشتێ تۆ ل سه‌ر خۆ دئێخی دشیانێت ته‌دابن و هه‌ر نه‌زرێ خوارنێ مرۆڤی ب سه‌ر خۆ ئێخست نابیت مرۆڤ ژێ بخۆت ژ بلی هه‌كه وی ده‌مێ ل سه‌ر خۆ ئێخستی ئنیه‌ت ئینابیت ئه‌و ژی ژێ بخوت هنگی (انما الاعمال بالنیات) كار كریار ب ئنیه‌تانه، دورسته تۆ ژێ بخوی چونكی ده‌مێ ته نه‌زركری ته خۆژی ژێ بێ بارنه‌كریه به‌لێ هه‌كه ته ئینیه‌تا خۆ نه ئینابیت نابیت تۆ ژێ بخوی دڤیت وه‌سا بده‌ی و ب ده‌یه وان یێت ته ئنیه‌ت بۆ ئینای و خودێ چێتر دزانیت.
