ب : گه‌له‌ك كه‌س پسياردكه‌ن ئه‌رێ چ ل سه‌ر وى واجبه يێ بڤێت قوربانى بده‌ت؟ ل سه‌ر وى واجيه ئه‌و نونيكێت خۆ نه تراشيت، و چ مويان ژ له‌شێ خۆ نه ڤه‌كه‌ت، هه‌تا قوربانێ خۆ سه‌رژێ نه كه‌ت؟ هه‌ر وه‌كي دحه‌ديسا ئوم سه‌له‌مێدا دايكا مه موسلمانان خودێ ژێ رازى بيت هاتى دبێژيت: پيێغه‌مبه‌رێ خودێ سلاڤێت خودێ ل سه‌ربن گۆت: (مَنْ كَانَ لَهُ ذِبْحٌ يَذْبَحُهُ، فَإِذا أُهِلَّ هِلالُ ذِي الحِجَّة، فَلا يَأْخُذَنَّ مِنْ شَعْره وَلا منْ أَظْفَارهِ شَيْئاً حتى يُضَحِّيَ) ئوم سه‌له‌مه دايكا مه موسلمانان دبێژيت: هه‌ر كه‌سێ قوربانه‌ك هه‌بيت ڤه‌كوژيت و هه‌يڤا زيليجه ل سه‌ر ده‌ركه‌فت بلا چو نه ژ ميێت خۆ ى نه ژ نينويكيت خۆ ژێڤه‌نه‌كه‌ت هه‌تا قوربانێ خۆ نه ده‌ت.
زانايێت مه ل سه‌ر ڤێ پرسێ پێشكه‌شكه‌رێ قوربانى تشنه‌كێ ژ له‌شێ خۆ ژێڤه‌كه‌ت يان نه پتر بۆچونه‌كێ يێت هه‌ين و يێت ژێك جودانه.
بۆچۆنا ئێكێ حه‌رامه ئه‌و تشته‌كێ ژ له‌شێ خۆ ژێڤه‌كه‌ت هه‌كه چو د زيلحيجێدا ئانكو سه‌رێ ده‌هكان و ئه‌ڤه بوچونا حه‌نبه‌ليانه و زاهريان و گۆتنا سه‌عيد بن موسه‌يه‌به و و ره‌بيعه‌يه و ئه‌بو سه‌ور و ئه‌وزاعي و به‌لگه و ده‌ليلێ وان حه‌ديسا بورى يه و دبێژن فه‌رمان وئه‌مر نيشانێ واجبى و پێتڤى بوونێيه.
بۆچۆنا دوويێ: موسته‌حه‌به چو ژ له‌شێ خۆ ژێڤه‌نه‌كه‌ت ژ سه‌رێ ده‌هكان هه‌تا قوربانێ خۆ دده‌ت چ پێشكێشكه‌ر ژن بيت يان زه‌لام بيت، و به‌لگه‌يێ وان دايكا مه موسلمانان دبێژيت: (كنت أَفْتِلُ قَلائِدَ هدى رسول اللَّهِ صلى الله عليه وسلم بِيَدَيَّ ثُمَّ يَبْعَثُ بها وما يُمْسِكُ عن شَيْءٍ مِمَّا يُمْسِكُ عنه الْمُحْرِمُ حتى يُنْحَرَ هَدْيُهُ) من رستك بۆ قوربانێت پێغه‌مبه‌رى سلاڤێت خودێ ل سه‌ربن ب ده‌ستێت خۆ دگرێدان پاشى دهنارتن و خۆ ژ چ نه‌دڤه‌دگرت ژ وان يێت ئيحرامبه‌ستى خۆ ژێ ڤه‌دگێرن هه‌تا قوربانێ خۆ ڤه‌دكوژن و ئه‌ڤه بۆچۆنا مالكى و شافعيانه و ڤه‌گێره‌كه ژ ئيمام ئه‌حمه‌د و گۆتنا حه‌سن به‌صرييه خودێ ژێ رازي بيت.
بۆچۆنا سێ يێ نه‌موسته‌حه‌به و نه واجبه و درسته هه‌رتشتێ ژ له‌شێ خۆ ژێڤه‌كه‌ت نه‌خاسمه هه‌كه هه‌وجه‌يى بۆ هه‌بيت و ئه‌ڤه بۆچۆنا حه‌نه‌فيانه و گۆتنا له‌يسێ كورێ سه‌عدى يه و عيكريمه و عه‌تائى و سالمێ كورێ عه‌بدوللايى و تاوسى و قاسمێ كورێ موحه‌ممه‌دى و عه‌تائێ كورێ يه‌ساري و جابرێ كورێ زه‌يدي يه.
هوسا دياردبيت زانا دڤێ پرسێدا نه ئێكن و يێت ژێك جودانه و ئه‌ز بۆچونا دويێ يا مالكى و شافعيان ب هێزتر دبينم چونكي ئه‌و حه‌ديس يا ئاشكرايه و ژ حه‌ديسا ئوم سه‌لمێ ب هێزتره ڤه‌گێرا بوخارى و موسلمى يه و نيشانه ئه‌و فه‌رمانا د حه‌ديسا ئوم سه‌له‌مێدا هاتي بۆ ئيستحباب و سونه‌تێ يه و نه بۆ پێتڤيبوون و واجببوونێ يه و خودێ چێتر دزانيت.
