ب : ل ده‌ف جمهورێ زانایان نه‌زر و كه‌فاره‌تا سویندێ نابیت ب ده‌نه نه یێ موسلمان به‌لێ ل ده‌ف حه‌نه‌فیان دورسته ب ده‌نه نه یێ موسلمان تایبه‌ت ئه‌هل كتابان، جهی و فه‌له‌یان و ئه‌بو یوسف ژ حه‌نه‌فیان یێ ل گه‌ل بوچونا جمهورێ زانایان به‌لێ بوچونا حه‌نه‌فی ل سه‌ر دورسته و هه‌تا دورسته زه‌كاتا فترێ ژی ب ده‌نه جوهی و فه‌له‌یان یێت دوژمنیا دینی نه‌كه‌ن و ئه‌ز بوچونا حه‌نه‌فیان ب هێزتر دبینم چونكی خودایێ مه‌زن دبێژیت: (لا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُمْ مِنْ دِيَارِكُمْ أَنْ تَبَررُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ) خودێ ھەوە ژ وان نادەتە پاش [و نەھیا ھەوە ژ وان ناکەت] ئەوێت (ئەو گاورێت) شەڕێ ھەوە ژ بەر دینێ ھەوە نەکرین، و ھوین ژ وەلاتێ ھەوە دەرنەئێخستین کو ھوین باشی و قەنجییێ و عەدالەتێ د گەل وان بکەن، ب ڕاستی خودێ حەژ عەدالەتکەران دکەت.
