ب / پێدڤيه ده‌يباب د ڤى كراسيدا، د شاره‌زابن و به‌رامبه‌ركرنێ د ناڤبه‌را خرابى و باشياندا بكه‌ن، و هه‌لسه‌نگاندنه‌ك و ته‌وازنه‌كا باش د ناڤبه‌را مه‌فاسد و مه‌سالحاندا، و باشى و خرابياندا بكه‌ن، و هه‌كه ديت يا باشتر ئه‌وه ژنێ بۆ كورێ خۆ بينن يان كچێ بده‌نه شوى، بلا شويكرن و ژنئينانێ ب سه‌ر خواندنێ بێخن؛ چونكى هه‌كه ديت دێ دينێ كچێ يان كورى، دێ ژێ چيت، و دێ سه‌ردا چن، بلا بده‌نه شوى و ژنێ بۆ كورى بينن، ئه‌ڤه بۆ ئاخره‌تا وان چێتر و باشتره، ڤێجا دڤێت ده‌يباب د شاره‌زابن و كا كيژكێ ببينن پتر د به‌رژه‌وه‌ندا كور و كچێت واندايه، بلا وێ بكه‌ن؛ چونكى ل سه‌ر ده‌يبابان واجبه عه‌يالێ خۆ ده‌همه‌ن پاقژ بكه‌ن و نه‌هێلن سه‌ردا بچن و ده‌همه‌ن پيس ببن، و ئه‌ڤه ژى دێ ب دانه شوى و ژن بۆ ئينانێ ب جه ئێت، و خودێ چێتر دزانيت.
