ب / فه‌ره ئه‌م بزانين هه‌ق و مافێ هه‌ردووكان گه‌له‌كه ل سه‌ر مه، و دڤێت ئه‌م به‌ر ماف و هه‌قێت هه‌ردووكان د راوه‌ستاى بين، و بزانين خودێ مه‌زن ده‌مێ ئه‌مرێ مه د راستا واندا كرى، ئه‌م دگه‌ل وان د باش بين، و دلێ وان نه‌هێلين، بارا پتر ئه‌مرێ مه ب هه‌ردووكان پێكڤه يآ كري.
خودێ مه‌زن د سۆره‌تا ئيسرائدا دبێژيت: ((وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا))(( وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا)) و خودايێ ته فه‌رمانا دايى هوين په‌رستنا وى ب تنێ بكه‌ن، و دگه‌ل ده‌يبابان د قه‌نج بن، و ئه‌گه‌ر ئێك ژ وان يان هه‌ردوو ل ده‌ف ته پير بوون، تو د خزمه‌تكرنا واندا نه‌بێژه وان ((ئۆف)) ژى كو تو وه‌ستيان و بێزاريا خۆ ژ وان دياركه‌ى، و ل وان نه‌خوره و وان پاشڤه نه‌به و شوينا ((ئۆف ئۆفێ)) ئاخفتنه‌كا نه‌رم و جوان دگه‌ل وان بكه. و خۆ زێده بۆ وان بشكێنه و زێده دلۆڤانيێ د راستا واندا بكه، زێده خۆ بۆ وان نه‌رم بكه و خۆ بشكێنه، و وان بينه ده‌ف خۆ و خودان بكه، هه‌روه‌كى وان ب بچويكاتى تو ب به‌ر خۆڤه ئينايى و خودانكرى و بێژه: خودێ وۆ.. دلۆڤانيێ ب وان ببه هه‌روه‌كى وان ب بچويكاتى دلۆڤانى ب من برى، و ئه‌ز مه‌زنكريم.
و د سۆره‌تا به‌قه‌ره‌دا دبێژيت: ((وَإِذْ أَخَذْنَا مِيثَاقَ بَنِي إِسْرَائِيلَ لَا تَعْبُدُونَ إِلَّا اللَّهَ وَبِالْوَالِدَيْنِ إِحْسَانًا)) ده‌مێ مه په‌يمانا موكوم ژ ئسرائيليان وه‌رگرتى، كو ژبلى خودێ چو نه‌په‌رێسن و چاكيێ د ده‌رهه‌قێ ده‌يباباندا بكه‌ن. و د سۆره‌تا نيسائدا دبێژيت: ((وَاعْبُدُوا اللَّهَ وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا)). و هوين خودێ بپه‌رێسن و چو هۆگر و هه‌ڤبه‌ران بۆ چێ نه‌كه‌ن، و دگه‌ل ده‌يبابان د چاك بن، و خودێ چێتر دزانيت.
