ب / دڤێت ئه‌ڤ خويشك و ده‌يكه بزانن، دورسته بۆ ژنێ بچيته كارى و شۆل بكه‌ت، هه‌كه هه‌وجه‌يى بۆ هه‌بيت، و هه‌كه هه‌وجه‌يى بۆ كارى نه‌بيت و يا پێدڤى نه‌بيت، و د مالێدا يێ هه‌ى په‌رگاريا وان بكه‌ت، و ژ وان به‌رپرسيار بيت، و ل وان بمه‌زێخيت، هنگى نه‌دورسته ده‌ركه‌ڤيت بۆ كارى دگه‌ل خورست و سروشتێ وێ نه‌گونجيت، وه‌كى ڤى كارێ د ناف مالاندا خدامى و خزمه‌تكاريآ بكه‌ت، به‌لێ نابيت ئه‌ڤ كوره ره‌ق دگه‌ل ده‌يكا خۆ باخڤيت، و بۆ وى نينه دلێ وێ بێشينيت و ب زڤرى دگه‌ل باخڤيت، و دڤێت هه‌ر نه‌رمى و ته‌نا و ره‌حه‌ت دگه‌ل ده‌يكا خۆ باخڤيت هه‌تا رازى دكه‌ت، به‌لێ بۆ هه‌يه نه‌هێليت خويشكا وى بۆ ڤى كارى ده‌ركه‌ڤيت، و هه‌كه ب جوانى و ره‌حه‌تى گوهێ خۆ نه‌دايێ بۆ هه‌يه خورتيێ لێ بكه‌ت ماده‌م ئه‌و يێ ئاماده‌يه مه‌زخاندنێ ل وان بكه‌ت، و خودێ چێتر دزانيت.
